પાન કાર્ડ, ફોન નંબર બાદ ડ્રાઈવિંગ લાઈસન્સનો વારો, આધાર સાથે કરવું પડશે લિંક

આધાર લિન્ક થતાં અનેક ફાયદા થશે જેમાં માર્ગ નિયમનો ભંગ કરનાર કોઈપણ વ્યક્તિ એક જગ્યાએ ગુનો કર્યા બાદ બીજા નામે ક્યાંય લાઇસન્સ નહીં બનાવી શકે. જો ક્યાંય કોઈ દુર્ઘટના સર્જાય તો પીડિતની ઓળખ થઈ શકશે. જો કોઈએ મેડિકલ ઈન્શ્યોરન્સ કરાવ્યો હશે તો દુર્ઘટનાની સ્થિતિમાં તેને તાત્કાલિક તેનો લાભ મળશે.

પ્રથમ કે આવી નોટિસ એવા માર્ગો માટે હોય જ્યાં સીસીટીવી લાગેલા હશે. જેથી સંબંધિત વ્યક્તિને નિયમ ભંગની તસવીર મોકલી શકાય. બીજું કે જો સીસીટીવી નથી તો ટ્રાફિક સિગ્નલ પર ઊભેલા પોલીસવાળા કે પરિવહન વિભાગના કર્મચારી માર્ગ પર નિયમ ભંગનો ફોટો ખેંચી પુરાવા તરીકે ચલણ સાથે અટેચ કરે. પરિવહન મંત્રાલય દેશના વ્યસ્ત રાજમાર્ગોને સીસીટીવીથી લેસ કરવા માટે રાજ્યો સાથે ચર્ચા કરી રહ્યો છે. તે ઉપરાંત ડ્રાઈવિંગ લાઈસન્સને આધાર સાથે જોડવાની પ્રક્રિયા પણ બે તબક્કામાં પૂર્ણ કરાશે. પ્રથમ નવા લાઈસન્સ આધાર વિના નહીં બનાવાય. બીજું એક નક્કી સમયગાળામાં જૂના લાઈસન્સને આધાર સાથે લિન્ક કરાશે.