એક જ દિવસમાં ફેસબુકને થયું 2 લાખ કરોડ રૂપિયાનું નુકસાન, જાણો શું છે કારણ

આ મામલે સોશિયલ નેટવર્કિંગ સાઇટ્સના કડક રેગ્યુલેશનનું પણ દબાણ બની શકે છે. બ્રિટનના એક સાંસદે સોમવારે કહ્યું હતું કે, દેશની પ્રાઇવસી વોચડોગને વધુ તાકાત મળવી જોઇએ.

ફેસબુક પહેલેથી જ એ જણાવી ચૂક્યુ છે કે, વર્ષ 2016માં અમેરિકામાં પ્રમુખ ચૂંટણી પહેલાં તેઓના પ્લેટફોર્મનો પ્રસાર-પ્રચાર કરનારા રશિયન લોકોએ કેવી રીતે ઉપયોગ કર્યો હતો, પરંતુ આનાથી માર્ક ઝકરબર્ગ ક્યારેય સવાલોના ઘેરામાં આવ્યા નહતા.

આ સમાચાર બહાર આવ્યા બાદ ફેસબુકના શૅર્સ સોમવારે 7 ટકા તૂટી ગયા છે. શેર્સની કિંમત ઘટવાના કારણે ફેસબુક સીઇઓ માર્ક ઝકરબર્ગને સંપત્તિને એક જ દિવસમાં 6.06 અબજ ડોલર (અંદાજે 395 અબજ રૂપિયા)નું નુકસાન થયું છે.

અમેરિકામાં પ્રમુખની ચૂંટણીમાં ડોનાલ્ડ ટ્રમ્પની મદદ કરનાર એક ફર્મ કેમ્બ્રિજ એનાલિટીકા પર અંદાજિત 5 કરોડ ફેસબુક યુઝર્સની માહિતી ચોરી કરવાના આરોપ લાગ્યા છે. આ જાણકારીનો ઉપયોગ ચૂંટણી દરમિયાન ઉપયોગ કરવામાં આવ્યો છે.

આ સમાચાર બહાર આવ્યા બાદ અમેરિકા અને યુરોપિયન સાંસદોએ ફેસબુક ઇંક પાસે જવાબ માંગ્યો છે. તેઓ જાણવા ઇચ્છે છે કે, બ્રિટનની કેમ્બ્રિજ એનાલિટિકાએ ડોનાલ્ડ ટ્રમ્પને પ્રેસિડન્ટ પદની ચૂંટણી જીતવામાં કેવી રીતે મદદ કરી?

નવી દિલ્હીઃ ફેસબુકમાં ડેટા લીકનો મામલો સામે આવ્યા બાદ સમગ્ર વિશ્વને આઘાત લાગ્યો છે. કરોડો યૂઝર્સના ડેટા લીક મામલે ફેસબુકને મોટો ઝાટકો લાગ્યો છે. સોમવારે આ ફેસબુકના શેરમાં અંદાજે 7 ટકાનો કડાકો બોલી ગયો જેના કારણે માર્કેટ વેલ્યૂ અંદાજે 35 અબજ ડોલર (અંદાજે બે લાખ કરોડ રૂપિયા) ઘટી ગઈ છે.