ગેસ વિવાદ મુદ્દે હાઈ કોર્ટે મુકેશ અંબાણીને આપ્યો ઝાટકો, જાણો શું કહ્યું....

હાઈકોર્ટે કહ્યું કે, ‘અમે થોડો સમય માટે રોકાઈ શકીએ છીએ. તમારા હિતોની રક્ષા કરવાના આદેશ અમે પહેલેથી જ આપી ચૂક્યા છીએ. ગત આદેશમાં જ કોઈ દબાણ કરવાના પગલાં ન લેવા અંગે કહેવામાં આવી ચૂક્યું છે.’ બાદમાં કોર્ટે રિલાયન્સના વકીલ અભિષેક મનુ સંઘવીને એ વિચાર કરવા માટે આપ્યો કે, તેઓ રોક લગાવવાની અરજી પર ચર્ચા ચાલુ રાખશે કે પછી હાઈકોર્ટના આદેશની રાહ જોશે. ત્યારબાદ કોર્ટે આ કેસને 6 ડિસેમ્બર માટે સૂચીબદ્ધ કરી દીધો છે.

ACBની એફઆઈઆરમાં કંપની ઉપરાંત યૂપીએના મંત્રીઓ એમ. વીરપ્પા મોઈલી અને મુરલી દેવડા (અવસાન સુધી), રિલાયન્સના ચેરમેન મુકેશ અંબાણી, કંપનીના હાઈડ્રોકાર્બન યૂનિટના પૂર્વ મહાનિદેશક વી.કે. સિબ્બલ અને કેટલાક અજ્ઞાત લોકોના નામ શામેલ છે. આ પ્રકારના કેસોમાં સુનાવાણી અંગે ACBના ન્યાયાધિકારના મુદ્દા પર જસ્ટિસ એ.કે. ચાવલાએ કહ્યું કે, આની સુનાવણી હાઈકોર્ટની બંધારણીય પીઠ કરી રહી છે અને આ કારણે આ બાબતે ઉપરની કોર્ટના નિર્ણય બાદ સુનાવણી કરવી જ યોગ્ય રહેશે.