માત્ર 179 રૂપિયામાં આઈડિયા આપી રહ્યું છે અનલિમિટે કોલની સાથે 1GB ડેટા, જિઓના આ પ્લાનને આપશે ટક્કર

નવી દિલ્હીઃ આઈડિયાએ જિઓના 149 રૂપિયાના પ્લાનને ટક્કર આપવા માટે 179 રૂપિયાનો પ્લાન લોન્ચ કર્યો છે. તે અંતર્ગત ગ્રાહકોને 28 દિવસ માટે અનલિમિટેડ કોલિંગની સુવિધાની સાથે સાથે 1 જીબી ડેટા પણ મળી રહ્યો છે. આઈડિયાએ ઇન્ડિયન લવ્સ ટૂ ટોક કેમ્પેન અંતર્ગત આ અનલિમિટેડ કોલિંગવાળો પ્લાન લોન્ચ કર્યો છે.

આઈડિયાનો આ નવો પ્લાન એવા લોકો માટે છે જે પોતાના ફોનનો ઉપયોગ મોટેભાગે વાતચીત માટે કરી રહ્યા છે. આ પેકથી રીચાર્જ કરાવનાર ગ્રાહકો 28 દિવસ સુધી અનલિમિટેડ લોકલ અને એસટીડી કોલ કરી શકશે. ઉપરાંત તેને 1 જીબી ઇન્ટરનેટ પણ મળશે.

આઈડિયાનું 179 રૂપિયાવાળું નવું રીચાર્જ પેક દરેક પ્રીપેડ ગ્રાહકો માટે છે, પછી ભલે તે કોઈપણ મોબાઈલ ફોનનો ઉપયોગ કરતાં હોય. જો આઈડિયા પ્રીપેડ ગ્રાહક આઈડિયાની વેબસાઈટ અથવા માયઆઈડિયા એપ દ્વારા રીચાર્જ કરાવે છે તો તેને 1જીબી વધારાનો ડેટા પણ મળશે.

આઇડિયાનું 179 રૂપિયાવાળા રીચાર્જ રિલાયન્સ જિઓના 149 રૂપિયાવાળા રીચાર્જ પ્લાનનો જવાબ છે. જિઓના આ પ્લાનમાં પણ ગ્રાહકોને અનલિમિટેડ કોલિંગની સુવિધા મળે છે. જોકે, આ પ્લાનમાં જિઓના યૂઝરને ઉપયોગ માટે 4.2 જીબી ડેટા મળે છે. ઉપરાંત 140 એસએમએસ ફ્રી છે અને જિઓ એપ્સનું સબ્સક્રિપ્શન પણ ફ્રી છે.