અર્થતંત્રમાં મંદીના ભણકારાઃ GDP ત્રણ વર્ષના તળિયે

ડેટા મુજબ કૃષિ અને જાહેર વહીવટી તંત્ર સિવાય તમામ સેકટરનો દેખાવ જારી કરવામાં આવ્યો છે. કૃષિ, વન્ય, ફિશીંગમાં વર્ષ ૨૦૧૬-૧૭માં ૪.૧ ટકાનો આંકડો રહી શકે છે. બીજી બાજુ માઈનીંગમાં ૧.૮ ટકાનો ઘટાડો જોવા મળી શકે છે. મેન્યુફેકચરીંગમાં ગ્રોથ ૯.૩ ટકાથી ઘટીને ૭.૪ ટકા થઈ શકે છે. જ્યારે કન્સ્ટ્રકશનમાં ગ્રોથ ૩.૯ ટકાથી ઘટીને ૨.૯ ટકા થઈ શકે છે. આંકડા મુજબ ૨૦૧૬-૧૭ દરમિયાન પ્રતિ વ્યક્તિ રાષ્ટ્રીય આવક ૧૦૩૦૦૭ રૂપિયા રહી છે તેમાં ૧૦.૪ ટકાનો વધારો નોંધાયો છે.

૨૦૧૬-૧૭ દરમિયાન જીડીપી ગ્રોથ ૭.૧ ટકા રહી શકે છે જે ૨૦૧૫-૧૬માં ૭.૬ ટકા રહ્યો હતો. રાષ્ટ્રીય આવક અંગે સીએસઓનો અંદાજ રિઝર્વ બેંકના અંદાજ મુજબ જ રહ્યો છે જે જીડીપીના ગ્રોથ કરતા ઓછો દર્શાવવામાં આવ્યો છે. વેલ્યુની દૃષ્ટીએ ગ્રોસ વેલ્યુએડેડનો આંકડો ૧૧૧.૫૩ લાખ કરોડનો રહ્યો છે.