Jio ફોનનું પ્રી-બુકિંગ આજથી શરૂ થશે, 500 રૂપિયા આપીને આ રીતે કરાવી શકો છો બુક

500 રૂપિયા ચુકવીને પ્રી-બુકિંગ થઈ શકે છે. આ રકમ ડિલિવરીનાં સમયે સંપૂર્ણપણે રિફંડેબલ, વન-ટાઇમ, સીક્યોરિટી ડિપોઝિટ એડજસ્ટ કરવામાં આવશે. બાકીનાં રૂ. 1,000 સીક્યોરિટી ડિપોઝિટ પેટે ડિવાઇસની ડિલિવરીનાં સમયે ચુકવવા પડશે. જિઓફોન યુઝર 36 મહિના માટે જિઓફોનનો ઉપયોગ કરી શકે છે અને પછી જિઓફોનને પરત કરીને રૂ. 1,500ની સીક્યોરિટી ડિપોઝિટ સંપૂર્ણપણે રિફંડ મેળવી શકે છે.

એક IDથી જિયોના એક અથવા એકથી વધુ ફોન બુક કરી શકાશે. દરેક ફોન માટે તમારે 1500 રૂપિયાની રકમ ચૂકવવી પડશે જે રિફંડેબલ હશે. આ રકમ 3 વર્ષ બાદ ગ્રાહકને પાછી મળી જશે. જો તમે ફોન જથ્થાબંધ ખરીદવા માંગો છો તો બિઝનેસ કેટેગરીમાં જઈને રજિસ્ટ્રેશન કરાવી શકશો. બુકિંગ કર્યા બાદ સપ્ટેમ્બરથી પહેલા વીકથી જિયો ફોનની ડિલેવરી શરૂ થઈ જશે.

રિટેલર પાસે જે લોકોની ડિટેલ પહોંચશે, તેમનું જ તેઓ રજિસ્ટ્રેશન કરશે. આ જાણકારીના આધાર પર કંપની રિટેલર પાસે ફોન પહોંચાડશે. દરેક શહેરમાં કંપનીના રિટેલર છે. જો તમે ઝડપી જિયો ફોન લેવા માંગો છો તો સૌથી પહેલા જિયોના નજીકના રિટેલરથી સંપર્ક કરીને પોતાનું રજિસ્ટ્રેશન કરાવી લો. તમારે રિટેલરને આધાર કાર્ડની કોપી આપવાની રહેશે, તેની સાથે 500 રૂપિયા પ્રી બુકિંગ માટે આપવાના રહેશે, બાકીના 1000 રૂપિયા ફોનની ડિલેવરી વખતે આપવાના રહેશે.

કંપનીના સૂત્રોનું કહેવું છે કે જિઓફોનનું બુકિંગ આજે સાંજે 5 કલાકથી શરૂ થશે. ફોન પ્રી બુકિંગ 500 રૂપિયાના પેમેન્ટ સાથે કંપનીની વેબસાઈટ અથવા એપ માયજિઓ તથા રિલાયન્સ ડિજિટલ સ્ટોર પરથી કરાવી શકાય છે. કંપનીએ આ ફોનની કિંમત ડિપોઝિટ રકમ પેટે 1500 રૂપિયા રાખી છે. પ્રી બુકિંગ સમયે 500 રૂપિયા આપવાના રહેશે જ્યારે બાકીની રકમ ફોન મળ્યા બાદ આપવાની રહેશે. અહીં અમે બતાવી રહ્યાં છીએ jioના એકથી વધારે ફોન બુક કરવાની પ્રૉસેસ.

નવી દિલ્હીઃ નવી ટેલીકોમ કંપની રિલાયન્સ જિઓનો ચર્ચિત જિઓફોનનું પ્રી બુકિંગ આજે એટલે કે 24 ઓગસ્ટ સાંજે 5 કલાકથી શરૂ થઈ જશે. કંપની આ ફોન દ્વારા દેશમાં અંદાજે 50 કરોડ ફીચર ફોન યૂઝર્સનો ટાર્ગેટ રાખ્યો છે. કંપની દર સપ્તાહે 50 લાખ જિઓફોન ઉપલબ્ધ કરાવવાનો ટાર્ગેટ રાખીને ચાલી રહી છે.

ઓનલાઈન બુકિંગ માટે જિયોની વેબસાઈટ પરથી જ કરી શકાશે. મીડિયા રિપોર્ટની માનીએ તો આ બુકિંગ થોડા કલાકો માટે જ શરૂ થશે. ઓનલાઈન કરતાં ઓફલાઈન બુકિંગ કરાવવી વધારે સરળ રહશે. myjio appથી પણ ફોન બુક કરી શકાશે. તે માટે 23 ઓગસ્ટની રાત્રે 12 વાગ્યાથી અપડેટ થશે.

એસએમએસથી પણ ફોન બુક કરાવી શકાશે. તેના માટે SMSમાં JP ટાઈપ કરીને એક સ્પેસ આપીને પોતાના વિસ્તારનો કોડ ટાઈપ કરે. ત્યાર બાદ, એક અન્ય સ્પેસ આપીને વિસ્તારના નજીકના જિયો સ્ટોરનો સ્ટોર કોડ ટાઈપ કરો. હવે SMSને 7021170211 નંબર પર સેન્ડ કરી દો. તમારૂ રજિસ્ટ્રેશન કરાવો.

જિયોની વેબસાઈટ www.Jio.com જાઓય અહી Find A Store પર ક્લિક કરો અને પોતાનું પિન કોડ નાંખીને સર્ચ કરો, અહી પોતાના પિન કોડ પર સ્થિત જિયો સ્ટોર્સની લિસ્ટ આવી જશે. જેમાંથી તમારા નજીકના સ્ટોરનો ફોન નંબર પર ફોન કરીને તે સ્ટોરનો કોડ પૂછી લો.

જિઓફોન પર વોઇસ કોલ હંમેશા ફ્રી રહેશે. જિઓ ગ્રાહકોને જિઓફોન પર અનલિમિટેડ ડેટા પૂરો પાડશે. જિઓ દર મહિને 153 રૂપિયામાં જ ફ્રી વોઇસ અને અનલિમિટેડ ડેટા આપશે. જિઓફોન મેસેજિંગ, મનોરંજન વગેરે ખાસ કરીને જિઓ ટીવી માટે જિઓની એપ્સ સાથે પ્રી-લોડેડ છે. જિઓ ટીવીમાં 400 લાઇવ ટીવી ચેનલ્સ તેમજ જિઓમ્યુઝિક અને જિઓસિનેમાની સુવિધા છે, જે તમને વિવિધ પ્રાદેશિક ભાષાઓમાં લેટેસ્ટ મનોરંજન પુરૂ પાડશે. જિયોફોનમાં અતિ લોકપ્રિય ઇન્સ્ટન્ટ મેસેજિંગ અને સોશિયલ નેટવર્કિંગ એપ્સ સામેલ પણ આપવામાં આવેલી હશે, યૂઝર્સ તેની મજા માણી શકશે.