રિલાયન્સ જિયોનો વધુ એક ધમાકો, 6 મહિના અનલિમિટેડ 4G ડેટા સાથે મળશે આ સુવિધા

આ સાથે તમને અનલિમિટેડ ફ્રી કોલિંગ અને એસએમએસ પણ મળી રહ્યા છે. જિયોની ઓફર અંતર્ગત પ્રીપેડ યૂઝર્સને રોજના 2GB 4G ડેટા ફ્રીમાં આપવામાં આવી રહ્યો છે. આ ઓફરનો લાભ માય જિયો એપ દ્વારા લઈ શકાય છે.

નવી દિલ્હીઃ રિલાયન્સ જિયોના કસ્ટમર્સ માટે એક સારા સમાચાર છે. રિલાયન્સ જિયોએ ફરીથી એક વાર પોતાના પ્રીપેડ યુઝર્સ માટે ધમાકેદાર પ્લાન રજૂ કર્યો છે. જિયોના આ નવા પ્રીપેડ પ્લાનમાં યુઝર્સને માત્ર અનલિમિટેડ કોલિંગ જ નહિ પરંતુ અનલિમિટેડ હાઈ સ્પીડ ડેટા, ફ્રી રોમિંગ જેવી સુવિધાઓ મળી રહી છે.

રિલાયન્સ જિયો યૂઝર્સના પ્રીપેડ પ્લાન પર જ આ વધારાનો ડેટા મળશે. આ ઉપરાંત જિયોનો પ્લાન માત્ર સિલેક્ટડેટ કસ્ટમર્સ માટે જ હોવાનું જણાવવામાં આવ્યું છે.

જિયોએ મોન્સુન હંગામા ઓફર અંતર્ગત ઘણા સરસ પ્લાન રજૂ કર્યા. આ પ્લાન્સમાંનો એક પ્લાન છે 594 રૂપિયાનો. આ પ્લાનમાં યુઝર્સને 6 મહિના સુધી ફ્રી અનલિમિટેડ કોલિંગ સાથે સાથે અનલિમિટેડ 4જી ડેટાની મઝા પણ લઈ શકો છો.