રેડ ઝોનમાં શેર બજાર, આ કારણોથી માર્કેટમાં 5 દિવસથી થઇ રહ્યો છે ઘટાડો

નવી દિલ્હીઃ બજેટ પહેલા મુખ્ય આર્થિક સલાહકાર અરવિંદ સુબ્રમણ્યને શેરબજાર રેકોર્ડ સ્તર પર પહોંચ્યું હોવા અંગે કહ્યું હતું કે તેનાથી સતર્ક થવાની જરૂર છે. તેમણે આ તેજી માત્ર થોડા સમય માટે જ હોવાની આશંકા વ્યક્ત કરી હતી. તેમની આ આશંકા માત્ર 5 દિવસમાં જ સાચી સાબિત થઈ ગઈ છે. જાન્યુઆરીના અંતે નિફ્ટી 11,000થી ઉપર અને સેન્સેક્સ 36,000થી ઉપર હતો. બજેટ બાદ શેરબજારમાં આવેલા ઘટાડા માટે ઘણા કારણો જવાબદાર છે.

અમેરિકન શેરબજારમાં આવેલા 6 વર્ષના સૌથી મોટા ઘટાડાના કારણે બોન્ડ યીલ્ડમાં વધારો પણ એક મુખ્ય કારણ છે. અમેરિકમાં બોન્ડ યીલ્ડ 2.88 ટકા સુધી પહોંચી ગયું છે. આ કારણે ડાઉ ડોન્સ 4.60 ટકા તૂટ્યો છે.