તમને ખબર પણ ન પડી અને 45 દિવસમાં 5 રૂપિયા મોંઘું થઈ ગયું પેટ્રોલ

કેડિયા કોમોડિટીના ડાયરેક્ટર અજય કેડિયા કહે છે કે, અમેરિકામાં ક્રુડની ઇન્વેન્ટરી ઘટવાના કારણે તથા જિયોપોલિટિકલ ટેન્શનના કારણે ડિમાન્ડ વધી છે. તેના કારણે ક્રુડની કિંમતમાં તેજી જોવા મળી રહી છે. કેડિયા કહે છે કે જો જિયોપોલિટિકલ ટેન્શન ખાસ કરીને ઉત્તર કોરીયા સાથે અમેરિકાનો સંઘર્ષ વધશે તો ક્રુડ પ્રાઇસ 55 ડોલર પ્રતિ બેરલ થઇ શકે છે. ઉલ્લેખનીય છે કે ભારત પોતાની જરૂરીયાતના 80 ટકા જેટલું ક્રુડ આયાત કરે છે.

નવી દિલ્હીઃ પેટ્રોલ-ડીઝલની કિંમતમાં સતત ઉછાળો જોવા મળી રહ્યો છે. ઓટોમેટેડ સિસ્ટમ શરૂ થયા બાદથી પેટ્રોલની કિંમતમાં વધારો થયો છે. ઇન્ડિયન ઓઈલની વેબસાઇટ અનુસાર વિતેલા 45 દિવસમાં પેટ્રોલની કિંમત 5 રૂપિયાનો વધારો થયો છે. વેબસાઇટ અનુસાર 1 જુલાઈથી લઈને 15 ઓગસ્ટની વચ્ચે પેટ્રોલની કિંમતમાં 5 રૂપિયાનો વધારો થયો છે.