ડુંગળીના ભાવ 50 રૂપિયાને પાર, ભાવ ઘટાડવા માટે સરકારે તૈયાર કર્યો આ પ્લાન

છેલ્લાં કેટલાંક મહિનાઓ દરમિયાન ખાનગી વેપારીઓએ 11,400 ટન ડુંગળીની આયાત કરી છે, જ્યારે સરકારી એજન્સી એમએમટીસી 2,000 ટનની આયાત માટે ટૂંક સમયમાં ટેન્ડર જારી કરશે. ડુંગળીની નિકાસને હતોત્સાહિત કરવા માટે પાસવાને વાણિજ્ય મંત્રાલયને ડિસેમ્બર, 2015માં દૂર કરાયેલી મિનિમમ એક્સપોર્ટ પ્રાઈસ (એમઈપી) લાદવા પણ સૂચન કર્યું છે.

ઓગસ્ટ મહિનાથી જ ડુંગળીના ભાવ પર દબાણ જોવાઈ રહ્યું છે, પરંતુ હવે તે ઊંચા સ્તરે પહોંચતા સરકાર તેના પુરવઠામાં વધારો કરવા તથા કિંમતોને નિયંત્રણમાં રાખવા શક્ય તમામ પ્રયાસો કરી રહી છે.