જો કેન્દ્ર સરકારની દાનત હોય તો માત્ર 43 રૂપિયામાં 1 લિટર પેટ્રોલ મળે, જાણો પેટ્રોલ-ડીઝલનું આખું ગણિત....

નવી દિલ્હીઃ પેટ્રોલ-ડીઝલની કિંમત સતત વધી રહી છે. દિલ્હીમાં ગુરુવારે પેટ્રોલ 70.39 રપિયા પ્રતિ લિટર મળી રહ્યું છે. જ્યારે મુંબઈમાં પેટ્રોલની કિંમત 79.50 રૂપિયા પ્રતિ લિટરે પહોંચી ગઈ છે. ડીઝલની સ્થિતિ પણ કંઈક આવી જ છે. પેટ્રોલ-ડીઝલની કિંમત વિતેલા ત્રણ વર્ષની ઉચ્ચ સપાટી પર પહોંચી ગઈ છે. આંતરરાષ્ટ્રીય સ્તરે ક્રૂડની કિંમત ઘટ્યા બાદ પણ દેશમાં પેટ્રોલ ડીઝલની કિંમત ઘટી નથી રહી.

જો કેન્દ્ર સરકાર પેટ્રોલ ડીઝલની કિંમતમાં ફેરફાર માટે પગલા લે તો હાલની કિંમત કરતાં અડધી થઈ શકે છે. જો સરકાર ઓઇલ મંત્રી ધર્મેન્દ્ર પ્રધાની વાત માની લે તો 1 લિટર પેટ્રોલ માત્ર 43 રૂપિયામાં મળશે અને એક લિટર ડીઝલ માત્ર 41 રૂપિયામાં મળશે.