Jioનો Airtel પર ગંભીર આરોપ, કહ્યું-એરટેલનો અનલિમિટેડ પ્લાન ખોટો, TRAIમાં કરી ફરિયાદ

નવી દિલ્હીઃ રિલાયન્સ ગ્રુપની ટેલીકોમ કંપની રિલાયન્સ જિયોએ ભારતીય ટેલીકોમ નિયામક પ્રાધિકરણ (TRAI)ને મોકલેલ ફરિયાદમાં એરટેલ પર પ્રચાર યોજનાની જાહેરાતમાં ડેટાના મૂલ્યને લોકોને ભ્રમિત કરનારા જણાવતા તેના પર સૌથી વધારે દંડ લગાવવાની માગ કરી છે. તમને જણાવીએ કે રિલાયન્સ જિયોના લોન્ચિંગ બાદથી જ જિયો અને ભારતી એરટેલની વચ્ચે અનેક મુદ્દે વિવાદ થતા રહ્યા છે.

જિયોએ કહ્યું કે, આ તથ્ય એરટેલની જાહેરાતમાં દર્શાવવામાં આવ્યા નથી. એરટેલે પોતાની જાહેરાતમાં તેનો ઉલ્લેખ કર્યો નથી કે આ પ્રકારની શરતો પણ લાગુ છે. ઉપરાંત જિયોએ દાવો કર્યો છે કે, એરટેલે ખોટી રીતે 3 જીબી ફ્રી ડેટાની વાત કરી છે કારણ કે તેના માટે ગ્રાહકોએ 345 રૂપિયા ચૂકવવા પડશે.