ટૂંકમાં જ રેલવે એપથી બુક થઈ શકશે ફ્લાઈટ ટિકિટ, આવી રહી છે નવી એપ

એવામાં જરૂર હતી કે આ તમામ સેવાઓને એક જ જગ્યા પર લાવવામાં આવે. આ એપ દ્વારા ટ્રેન સંબંધિત સેવાઓ ઉપરાંત ટેક્સી, હોટલ અને એર ટિકિટ પણ બુક કરાવી શકાશે. ભારતીય રેલવેની આ ઇન્ટીગ્રેટેડ રેલવે મોબાઈલ એપના પ્રોજેક્ટની જાહેરાત રેલવે બજેટ 2016-17માં કરવામાં આવી હતી.

અધિકારીએ કહ્યું કે, રેલવે યાત્રા દરમિયાન સ્વચ્છતા સહિત પ્રવાસીઓની જુદી જુદી જરૂરતોને પૂરી કરવા માટે હાલમાં રેલવે પાસે અનેક એપ છે પરંતુ તેમાં મોટાભાગની માત્ર એક જ સેવા ઉપલબ્ધ કરાવે છે. તેના માટે યૂઝર્સે દરેક સર્વિસ માટે એક એક એપને સર્ચ કરીને ડાઉનલોડ કરવાની હોય છે.

પ્રોજેક્ટ સાથે જોડાયેલ એક ઉચ્ચ અધિકારીએ જણાવ્યું કે, આ એપ્લીકેશનનો વિકાસ રેલવેના સોફ્ટવેર એકમ CRIS કરી રહી છે. તેના પર સાત કરોડ રૂપિયાનો ખર્ચ આવવાનો અંદાજ છે.

નવી દિલ્હીઃ રેલવે આ સપ્તાહે નવી મોબાઈલ એપ્લીકેશન શરૂ કરશે જેમાંથી એર ટિકિટ પણ બુક કરાવી શકાશે. આ ઇન્ટીગ્રેટેડ મોબાઈલ એપ પ્રવાસીઓની અલગ અલગ જરૂરિયાત પૂરી કરશે. તેમાં કુલી, રિટાયરિંગ રૂમ, ફૂડ માટે ઓર્ડરની સાથે ટ્રેન ટિકિટની બુકિંગ સામેલ છે.