સુઝુકીએ જાપાનમાં લોન્ચ કરી ઇગ્નિસ જેવી માઈક્રો એસયૂવી XBee, આ શું છે ખાસ

ઇન્ટીરિયરની વાત કરીએ તો સુઝુકી એક્સબીની કેબિન લગભગ મારુતિ ઇગ્નિસ જેવી જ છે. તેમાં નવા થ્રી-સ્પોક સ્ટીયરિંગ વ્હીલ, નવા ઇન્સ્ટ્રુમેન્ટ ક્લસ્ટર અને એરક્રાફ્ટ સ્ટાઈલવાળા ક્લાઈમેટ કન્ટ્રોલ સહિત અનેક ફીચર આપવામાં આવ્યા છે. આ પહેલા ટોક્યો મોટર શોમાં સુઝુકી સ્વિફ્ટ સ્પોર્ટ પણ રજૂ કરવામાં આવી હતી. જોકે સૌથી પહેલા સ્વિફ્ટના ફેસલિફ્ટ વેરિઅન્ટને ભારતીય બજારમાં ઉતારવાની ધારણા છે. કહેવાય છે કે, નવા વર્ષની શરૂઆતમાં ઓટો એક્સ્પો દરમિયાન તેને લોન્ચ કરવામાં આવી શકે છે.

સ્પેસિફિકેશનની વાત કરીએ તો તેમાં 1.0 લિટરનો ટર્બો ઇન્ટરકૂલ્ડ પેટ્રોલ એન્જિન છે. તેમાં સ્પોર્ટ અને સ્નો મોડની સાથે ઓલ-વ્હીલ-ડ્રાઈવ સિસ્ટમ આપવામાં આવી છે. ગ્રિપ કન્ટ્રોલ અને હિલ ડિસન્ટ કન્ટ્રોલ પણ તેમાં આપવામાં આવ્યા છે. રસપ્રદ એ છે કે તેમાં સુઝુકીની માઈલ્ડ હાઈબ્રિડ ટેક્નોલોજી પણ આપવામાં આવી છે.

જોકે આ કાર કેયૂવી 100 અને ઇગ્નિસ જેવી દેખાય છે પરંતુ કદ-કાઠીમાં તેના કરતાં ઉંચી છે. એક્સબી મારુતિ ઇગ્નિસ કરતાં 110 એમએમ અને કેયૂવી-100 કરતાં 50 એમએમ વધારે ઉંચી છે. ટોક્યો મટોર શોમાં સુઝુકીએ એક્સબી, એક્સબી સ્ટ્રીટ એડવેન્ચર અને એક્સબી આઉટડોર એડવેન્ચર પરથી પડદો ઉંચક્યો છે.

જોકે કંપનીએ હાલમાં જાપાન કે ભારતમાં કાર ઉતારવાની યોજના વિશે કોઈ સ્પષ્ટતા કરી નથી. પરંતુ તેને જોતા સ્પષ્ટ દેખાય છે કે, કંપનીનું પોકસ માઈક્રો એસયૂવી સેગમેન્ટ પર છે. ભારતમાં જ આ સેગમેન્ટ શરૂઆતના તબક્કે સારૂ પ્રદર્શન કરી રહ્યું છે. અહીં મારૂતિની ઇગ્નિસ ઉપરાંત મહિન્દ્રાની કેયૂવી 100 ઉપલબ્ધ છે.

નવી દિલ્હીઃ ઇગ્નિસ લોન્ચ કર્યા બાદ સુઝુકી હવે વધુ એક માઈક્રો એસયૂવી લોન્ચ કરવાની તૈયારી કરી રહી છે. સુઝુકીએ ટોક્યો મોટર શો-2017 દરમિયાન પોતની નવી માઈક્રો એસયૂવી એક્સબી (Xbee) પરથી પડધો ઉંડક્યો છે. સુઝુકીએ આ કારને જાપાનના બજારમાં વેચાઈ રહેલ હસ્ટલર પર તૈયાર કરી છે. આ દેખાવે ઇગ્નિસ જેવી લાગે છે.