TVS એ તેની જાણીતી બાઈકને નવા અવતારમાં કરી લોન્ચ, જાણો કિંમત

આ બાઇકમાં કંપનીનું ઈકોથર્સ્ટ 110cc સિંગલ સિલિન્ડર, ફોર સ્ટ્રોક એન્જિન આપવામાં આવ્યું છે. જે 7000 rpm પર8.4PS નો ટોર્ક જનરેટ કરે છે. ટ્રાન્સમિશન માટે એન્જિનને 4 સ્પીડ ગિયરબોક્સ સાથે જોડવામાં આવ્યું છે.

નવી દિલ્હીઃ આગામી તહેવારોને ધ્યાનમાં રાખી જાણીતી 110ccની બાઈક TVS Star City+ને નવા ડ્યુઅલ ટોન વેરિયન્ટમાં લોન્ચ કરી છે. આ બાઇકની પૂરી બોડીમાં સ્ટાઇલિશ રેડ બ્લેક વ્હાઇટ ગ્રાફિક્સની સાથે નવા ડ્યુઅલ ટોન ગ્રે બ્લેક કલર ઓપ્શનમાં રજૂ કરી છે.

આ ઉપરાંત TVS Star City+ને નવા ડ્યુઅલ ટોન વેરિયન્ટ બ્લેક રેડ, બ્લેક બ્લૂ અને રેડ બ્લેક કલર ઓપ્શનમાં મળશે, કંપનીએ આની કિંમત ભારતમાં 52,907 રૂપિયા (એક્સ શો રૂમ દિલ્હી) છે.

આ ઉપરાંત બાઇકમાં કંપનીએ સિક્રોનાઇઝ્ડ બ્રેકિંગ ટેક્નોલોજી પણ આપી છે. જેનાથી શ્રેષ્ઠ બ્રેકિંગ કન્ટ્રોલ મળે છે અને સ્લિપ થઈ જવાની સંભાવના ઘટી જાય છે. આ સિસ્ટમ બંને વ્હીલ્સ માટે ડ્રમ બ્રેક્સનો ઉપયોગ કરે છે.