જિઓને ટક્કર આપવા વોડાફોનનો ધમાકેદાર પ્લાન, 70 જીબી ફ્રી ડેટા અને અનલિમિટેડ કોલિંગ

બીજી બાજુ રિલાયન્સ જિઓએ ટેલિકોમ કંપનીઓની ઊંઘ ઉડાડ્યા બાદ હવે મોબાઈલ નિર્માતા કંપનીઓની ઊંઘ ઉડાડી દીધી છે. રિલાયન્સે જિઓફોન લોન્ચ કરવાની જાહેરાત કરી છે. આ ફોન સંપૂર્ણ રીતે ફ્રી હશે.

જોકે વોડાફોનનો આ નવો પ્લાન માત્ર નવા ગ્રાહકો માટે જ હશે, 244 રૂપિયાના આ પ્લાનમાં 70 દિવસ સુધી 70 જીબી 4જી ડેટા આપવામાં આવશે. એટલે કે એક દિવસ માટે 1જીબી ડેટાનો ઉપયોગ કરી શકાશે.

સાથે જ 70 દિવસ સુધી અનલિમિટેડ કોલિંગની સુવિધા પણ આપવામાં આવશે. નવા યૂઝર આ પ્લાન અંતર્ગત બીજી વખત રિચાર્જ કરાવશે તો ડેટા અને અનલિમિટેડ કોલિંગની સુવિધા તો રહેશે પરંતુ પ્લાનની વેલિડિટી 35 દિવસ રહી જશે.

નવી દિલ્હીઃ રિલાયન્સ જિઓને રોકવા માટે હવે વોડાફોને પોતાના ગ્રાહકો માટે નવો પ્લાન રજૂ કર્યો છે. વોડાફોને પોતાના નવા પ્લાનમાં 70 દિવસ માટે 70જીબી 4G ડેટા અને અનલિમિટેડ કોલિંગની ઓફર આપી રહી છે. રિલાયન્સ જિઓની ધમાકેદાર એન્ટ્રીથી 4જી ટેલિકોમ માર્કેટમાં ભૂકંપની વચ્ચે તમામ ટેલિકોમ કંપનીઓ પોતાના ગ્રાહકોને જાળવી રાખવા અને નવા ગ્રાહકોને પોતાની સાથે જોડવા માટે અનેક નવી નવી ઓફર આપી રહી છે. જેને ધ્યાનમાં રાખીને વોડાફોન પણ નવા પ્લાન ઉતારી રહી છે.