ગર્લફ્રેન્ડને ફટકારનારા એક્ટરની થઈ ધરપકડ, બિગ બોસમાં લઈ ચુક્યો છે ભાગ

નીરુએ જણાવ્યું હતું કે, હું ગોવામાં આવેલા અરમાનના બંગલાની દેખભાળ રાખું છું. જ્યારે તેનું ભાડું આવે છે ત્યારે તેનું ભાડું વિલા સ્ટાફને આપવામાં આવે છે. આ પછી સ્ટાફ અમને આપે છે. જ્યારે અરમાને ભાડાનું કહ્યું ત્યારે મેં તેને કહ્યું કે હું ભાડું ટ્રાન્સફર કરાવી આપીશ.

મુંબઈઃ સલમાન ખાનના રિયાલિટી શો બિગ બોસમાં ભાગ લઈ ચુકેલા એક્ટર અરમાન કોહલીએ ગત સપ્તાહે તેની ગર્લફ્રેન્ડ નીરુ રંધાવાની સાથે મારપીટ કરી હતી. જેના કારણે નીરુ ઘાયલ થયા બાદ તેને કોકિલાબેન હોસ્પિટલમાં ભરતી કરવામાં હતી. ગર્લફ્રેન્ડની પિટાઈ બાદ ફરાર થઈ ગયેલા એક્ટર અરમાન કોહલીની મુંબઈ પોલીસે તેના લોનાવાલા સ્થિત બંગલામાંથી ધરપકડ કરી હતી.

આ બાબતે તે ગુસ્સે થઈ ગયો હતો. તે ઉગ્ર થઈ ગયો હતો અને હું કશું જ સમજું એ પહેલા મારા વાળ પકડીને ભીંત સાથે માથું ભટકાવ્યું હતું. હું તેને કરગરતી રહી કે હું પોલીસ પાસે નહીં જાવ અને મને હોસ્પિટલ જવા દે પરંતુ તે માન્યો જ નહીં.

બિગ બોસ હાઉસમાં અરમાન કોહલી

અરમાન કોહલીનું ‘તારક મહેતા કા ઉલ્ટા ચશ્મા’ની એક્ટ્રેસ મુનમુન દત્તા સાથે પણ અફેર રહી ચૂક્યું છે. આ સાથે જ તે તનીષા મુખર્જીનો પણ બોયફ્રેન્ડ રહી ચૂક્યો છે. નોંધનીય છે કે નીરુ એક ફેશન ડિઝાઈનર છે અને લંડનની રહેવાસી છે.

નીરુના જણાવ્યા મુજબ આ પહેલા પણ અરમાને તેની પર હાથ ઉપાડ્યો હતો. તેણે જણાવ્યું હતું કે,’ આ વર્ષે જ ફેબ્રુઆરીમાં પણ તેણે મારા પર હાથ ઉપાડ્યો હતો. હું આ રિલેશનશીપમાં આવીને મુશ્કેલીમાં ફસાઈ ગઈ છું. મારા માટે આ એક ભૂલ હતી. મારા ફેમિલી દ્વારા પણ તેને અનેકવાર ચેતવણી અપાઈ હતી.

સ્પોટબોયમાં પ્રકાશિત અહેવાલ અનુસાર નીરુએ ગત રવિવારે રાત્રે સાંતા ક્રૂઝ (પશ્ચિમ) પોલીસ સ્ટેશનમાં અરમાન વિરૂદ્ધ ફરિયાદ નોંધાવી હતી. પોલીસે તેની વિરૂદ્ધ આઈપીસી સેક્શન 326 અંતર્ગત કેસ નોંધ્યો હતો. આ મામલે અરમાનને 7 વર્ષ સુધીની સજા થઈ શકે છે. પોલીસે તેના ઘરે જઈને પૂછપરછ પણ કરી હતી, પરંતુ અરમાન ત્યાં હાજર ન હતો.

મળતી માહિતી મુજબ, અરમાન છેલ્લા 8 દિવસથી તેના બંગલામાં જ છૂપાઈને રહેતો હતો. અરમાને 5 જૂને ગુસ્સામાં આવીને તેની ગર્લફ્રેન્ડ સાથે મારપીટ કરી હતી. આ અહેવાલ મીડિયામાં આવતાં જ અરમાનનો કોઈ ભાળ મળી નહોતી.