આ જાણીતા એક્ટરે એક્ટિંગ છોડીને અપનાવી ખેતી, ગામને આ રીતે કરશે મદદ

નવી દિલ્હીઃ ટીવીના જાણીતા શો ‘સારાભાઈ વર્સેસ સારાભાઈ’માં જોવા મળનારા એક્ટર રાજેશ કુમારે એક્ટિંગની દુનિયાથી દૂર થઈ ગયા છે અને હવે તે બિહારના એક ગામને સ્માર્ટ ગામ બનાવવાનો નિર્ણય કર્યો છે. નોંધનીય છે કે, સારાભાઈમાં રાજેશ, રોસેસની ભૂમિકામાં જોવા મળતા અને આ શોમાં તે એક કોમેડી એક્ટર તરીકે જોવા મળતા હતા.

ઉલ્લેખનીય છે કે, રાજેશે 199માં ‘એક મહલ હો સપનોં કા’ સીરિયલથી પોતાના કેરિયરની શરૂઆત કરી હતી. ત્યારબાદ તેઓ ‘દેશ મેં નિકલા હોગા ચાંદ’, ‘કુસુમ’ અને ‘ખિચડી’માં જોવા મળ્યા હતા.

વધુમાં રાજેશે કહ્યું કે, “જ્યારે એક એક્ટર અન્ય કામ કરવા લાગે છે ત્યારે લોકો કહે છે કે તેને કામ નહી મળતું હોય. મારા મામલે કેસ થોડોક અલગ છે. મને જે કામની ઑફર મળી રહી હતી તે જરા પણ પડકારજનક નહોતી.

રાજેશ કુમારે આ નિર્ણય વિશે જણાવ્યું કે, “હું આંબાનાં ઝાડ નીચે બેઠો હતો ત્યારે મને આ વિચાર આવ્યો હતો.” રાજેશ બિહારનાં બર્મા ગામને સ્માર્ટ સિટી બનાવવા ઇચ્છે છે. આ કાર્યને પૂર્ણ કરવામાં તેઓ પુરજોશથી લાગી ગયા છે.

જોકે, હવે તેણે એક્ટિંગ છોડીને બિહારના ગામ બર્માની સ્થિતિ સુધારવાનો નિર્ણય કર્યો છે અને આ જ કારણે તેણે હવે ખેતી વિશે જાણકારી આપવાની સાથે સાથે શૂન્ય બજેટ આધ્યાત્મિક ખેતી કરવાનું શરૂ કર્યું છે.