મુસ્લિમ બિઝનેસમેન સાથે બીજાં લગ્ન કરનારી આ હોટ ટીવી એક્ટ્રેસના થઈ ગયા ડિવોર્સ, શું આપ્યું કારણ ?

મુંબઈઃ એકતા કપૂરના ટીવી શો ‘બડે અચ્છે લગતે હૈ’માં કામ કર ચુકેલી એક્ટ્રેસ ચાહત ખન્નાએ 2013માં મુસ્લિમ બિઝનેસમેન ફરહાન મિર્ઝા સાથે બીજા લગ્ન કર્યા હતા. પરંતુ હવે તેણે ડિવોર્સ લઈ લીધા છે. થોડા દિવસોથી એવા અહેવાલ હતા કે બંને વચ્ચે મનમેળ નથી રહ્યો પરંતુ ચાહતે એક ફોટો શેર કરીને તમામને ચુપ કરી દીધા હતા.

એક ઈન્ટરવ્યૂમાં એક્ટ્રેસે કહ્યું કે, ‘હાલ અંગે કંઈ કહેવું ઉતાવળભર્યું રહેશે તેમ મને લાગે છે. યોગ્ય સમય આવશે ત્યારે વાત કરીશ. હું મીડિયાને મને હાલ વધારે પ્રાઈવેસી આપવાની અપીલ કરું છું.’

ચાહતે જ્યારે બર્થ ડે માનવ્યો ત્યારે પોતાની એક તસવીર સાથે લખ્યું હતું કે, જ્યારે જિંદગી અંધારાને પાર કરી જાય છે ત્યારે તે શક્તિશાળી થઈ જાય છે.. અંધારાનો ડર રહેતો નથી.

જેમાં તેણે લખ્યું હતું કે. મારી જિંદગીનો એક જ હેતુ છે કે તમારી જિંદગીને પરી જેવી બનાવી દઉં. આ પોસ્ટની સાથે તેણે #singlemom હેશટેગ કર્યું હતું. પોસ્ટ વાંચી લોકોને લાગ્યું હતું કે ચાહત તણાવમાંથી પસાર થઈ રહી છે.

થોડા દિવસો પહેલા ચાહતે તેના હસબન્ડનાં નામનું એક ટેટૂ શેર કર્યું હતું. આ ફોટો જોયાં બાદ લોકોને વિશ્વાસ થઈ ગયો હતો કે તેમના લગ્ન જીવનમાં ભંગાણના અહેવાલ ખોટા છે. એટલું જ નહીં થોડા દિવસો પહેલા ચાહતે તેના બંને બાળકો સાથે એક ફોટો પણ શેર કર્યો હતો.