અક્ષય કુમાર, રિતેશ દેશમુખની ફિલ્મ 'હાઉસફુલ 4'નું ટ્રેલર રીલીઝ, જુઓ વીડિયો

અક્ષય કુમાર, રિતેશ દેશમુખ અને બોબી દેઓલની ફિલ્મ હાઉસફુલ 4નું ટ્રેલર રિલીઝ થયું છે.

મુંબઈઃ અક્ષય કુમાર, રિતેશ દેશમુખ અને બોબી દેઓલની ફિલ્મ હાઉસફુલ 4નું ટ્રેલર રિલીઝ થયું છે. ટ્રેલર જોઈને નક્કી છે કે હાઉસફુલ ફ્રેન્ચાઈઝીનો ચોથો ભાગ તમને હસાવી હસાવી ફરી એક વાર લોટપોટ કરી દેશે. ફિલ્મની સ્ટોરીમાં પુનર્જન્મનો તડકો લગાવવામાં આવ્યો છે જે સ્ટોરીને રસપ્રસ બનાવે છે. ફિલ્મમાં કૃતિ સેનન, પૂજા હેગડે અને કીર્તિ ખરબંદા લીડ એક્ટ્રેસ છે. આ સાથે જ ચંકી પાંડે, નાના પાટેકર અને જોની લીવર ફિલ્મમાં કોમેડીમાં ચાર ચાંદ લગાવે છે. ફિલ્મના ડાયલોગ ખાસ છે તેના પર અક્ષય અને રિતેશની ડિલીવરી અને એક્સપ્રેશંસ જોરદાર છે. ફિલ્મ ' હાઉસફુલ 4' વર્ષ 1419 ના સીતમગઢ તથા વર્ષ 2019 લંડન વચ્ચેની સફરની વાત કરવામાં આવી છે. આ ફિલ્મ દીવાળી પર એટલે કે 25 ઓક્ટોબરે રિલીઝ થવાની છે. ' હાઉસફુલ 4' ટ્રેલર માં ક્રિતિ સેનન , પૂજા હેગડે તથા કીર્તિ ખરબંદાએ એક્શન પણ કરી છે. ફિલ્મમાં રાણા દગ્ગુબાતીએ પહેલવાનનો રોલ કર્યો છે તો નવાઝે બાબાનો રોલ કર્યો છે.