આલિયાને મારી નાખવાની ધમકી આપનાર ઉત્તરપ્રદેશથી ઝડપાયો, જાણો વિગતો

મહેશ ભટ્ટે આ મામલે ટ્વિટ કરીને જાણકારી આપી છે કે ધમકી આપનારની ધરપકડ થઈ ચૂકી છે. મહેશ ભટ્ટે જણાવ્યું કે મહારાષ્ટ્ર અને ઉત્તરપ્રદેશ પોલીસે આ શખ્સને પકડી લીધો છે.

નવેમ્બર 2014માં એક ગેંગ સાથે જોડાયેલા 13 લોકોની ધરપકડ કરવામાં આવી હતી. શંકા હતી કે આ લોકો ભટ્ટ અને તેમના પરિવારને મારવાનું કાવતરું કરી રહ્યા હતા.

મહેશ ભટ્ટને લખનૌની કોઈ બેંકમાં પૈસા જમા કરાવવા માટે કહ્યું છે, આ ઘટના 26 ફેબ્રુઆરીની છે.

મહેશ ભટ્ટ પાસે 50 લાખ રૂપિયાની માગ પણ કરી છે. જો તેને પૈસા નહિ મળે તો તે સોની અને આલિયાને મારી નાખશે તેવી ધમકી આપી છે.

પોલીસે આ મામલે એફઆઈઆર નોંધી અને ભટ્ટ પરિવારનું નિવેદન પણ લીધુ હતું.

પોલીસના સૂત્રો પાસેથી મળતી માહિતી અનુસાર પોતાને કોઈ ગેંગનો સાગરીત હોવાનું કહેતા શખ્સે મહેશ ભટ્ટ પાસેથી 50 લાખ રૂપિયા માગ્યા છે. આ શખ્સે મહેશ ભટ્ટને વોટ્સએપ મેસેજ મોકલીને કહ્યું હતું કે જો તેણે પૈસા ન આપ્યા તો આલિયા અને સોની રાઝદાને ગોળી મારીને મારી નાખશે.

આલિયા ભટ્ટ અને તેની મમ્મી સોની રાઝદાનને મારી નાખવાની ધમકી મળી છે. અહેવાલો છે કે આલિયાના પિતા ફિલ્મ મેકર મહેશ ભટ્ટને કોઈ અજાણ્યા શખ્સે ધમકી આપી હતી. અને મહેશ ભટ્ટ પાસે 50 લાખ રૂપિયાની માગ પણ કરી હતી. જો તેને પૈસા નહિ મળે તો તે સોની અને આલિયાને મારી નાખશે તેવી ધમકી આપી હતી.