Entertainment News Live: જેમ્સ કેમેરોનની 'અવતારઃ ધ વે ઓફ વોટર' આજે રિલીઝ, મજબૂત ઓપનિંગની આશા
Entertainment News Live Updates: દુનિયાની સૌથી મોંઘી ફિલ્મ 'અવતારઃ ધ વે ઑફ વોટર' આજે એટલે કે 16 ડિસેમ્બરે રિલીઝ થઈ ચૂકી છે. ફિલ્મ 250 મિલિયન ડૉલર્સ (2000 કરોડ રૂપિયા)માં બની છે.
Entertainment News Live: જેમ્સ કેમેરોનની મોસ્ટ અવેટેડ ફિલ્મ 'અવતારઃ ધ વે ઓફ વોટર' આજે સિનેમાઘરોમાં રિલીઝ થઈ ચૂકી છે. આ ફિલ્મ પહેલાથી જ ઘણી ચર્ચામાં રહી છે. આ હોલિવૂડ ફિલ્મને લઈને દર્શકોમાં એટલો ક્રેઝ છે કે ભારતમાં તેનું રેકોર્ડ એડવાન્સ બુકિંગ થઈ ગયું છે. તેથી આશા છે કે શરૂઆતના દિવસે જ આ ફિલ્મ જબરદસ્ત કલેક્શન કરશે. એવું પણ કહેવામાં આવી રહ્યું છે કે કમાણીના મામલે 'અવતાર 2' માર્વેલ સ્ટુડિયોની ફિલ્મ એવેન્જર્સ એન્ડગેમનો રેકોર્ડ તોડી શકે છે.
અવતાર 2નું રેકોર્ડ એડવાન્સ બુકિંગ થયું
અવતાર 2 એ એડવાન્સ ટિકિટ બુકિંગના મામલામાં દૃષ્ટિમ 2 અને RRR જેવી ફિલ્મોને પાછળ છોડી દીધી છે. ગુરુવાર સાંજ સુધીના આંકડા અનુસાર, ભારતમાં ફિલ્મની વિવિધ ભાષાઓમાં લગભગ 17 કરોડ એડવાન્સ ટિકિટ બુક કરવામાં આવી હતી. આવી સ્થિતિમાં આશા છે કે આ ફિલ્મ શરૂઆતના દિવસે તમામ હોલીવુડ ફિલ્મોનો રેકોર્ડ તોડી શકે છે.
'અવતાર 2' ની કિંમત કેટલી ?
ખર્ચની વાત કરીએ તો 'અવતાર 2' બનાવવા માટે નિર્માતાઓએ 250 મિલિયન ડોલરનો ખર્ચ કરવો પડ્યો છે. મેકર્સે વર્ષ 2009માં આવેલી 'અવતાર' માટે $237 મિલિયન ખર્ચ્યા હતા. હાલમાં આ ફિલ્મને લઈને દર્શકોમાં જબરદસ્ત ચર્ચા છે. આવી સ્થિતિમાં ફિલ્મ બોક્સ ઓફિસ પર કેટલા રેકોર્ડ તોડે છે તે જોવું રસપ્રદ રહેશે.આ બધાની વચ્ચે ફિલ્મના પ્રારંભિક રિવ્યુ પણ આવવા લાગ્યા છે. બોલિવૂડ ખિલાડી અક્ષય કુમારે પણ મંગળવારે ફિલ્મની સ્ક્રીનિંગમાં હાજરી આપી હતી. જે બાદ અક્ષયે ટ્વીટ કરીને ફિલ્મના વખાણ કર્યા છે અને કહ્યું છે કે તે હજુ પણ મંત્રમુગ્ધ છે. તેણે ફિલ્મને શાનદાર ગણાવી હતી.
'અવતાર 2' ભારતમાં આ ભાષાઓમાં રિલીઝ
અંગ્રેજી ઉપરાંત ફિલ્મ 'અવતાર: ધ વે ઓફ વોટર' 16 ડિસેમ્બર, 2022ના રોજ દેશભરમાં હિન્દી, તમિલ, તેલુગુ, કન્નડ અને મલયાલમ જેવી ભાષાઓમાં રિલીઝ થશે. આ વખતે ફિલ્મમાં માનવીઓ અને પાંડોરાના રહેવાસીઓ વચ્ચે પાણીની અંદરની લડાઈ જોવા મળશે, જે ટ્રેલર પરથી સ્પષ્ટ થઈ ગયું છે. રિપોર્ટ્સ અનુસાર, 'અવતારઃ ધ વે ઓફ વોટર' 250 મિલિયન ડોલરમાં બનાવવામાં આવી છે. તેના પાછલા ભાગમાં વિશ્વભરમાં $2.9 બિલિયન એકત્રિત થયા હતા, જે હજુ પણ ઇતિહાસના પાનાઓમાં નોંધાયેલ છે.
ટોપ સ્ટોરી
ટ્રેન્ડિંગ સમાચાર
