બાહુબલી-2ના લીક વીડિયોમાં ‘કટપ્પાને બાહુબલી કો ક્યું મારા?’ સવાલનો જવાબ છે?

યુ ટ્યુબ પર જે વીડિયો ફરતો થયો છે તેમાં ફિલ્મનો હીરો પ્રભાસ સૈનિકો સાથે લડતો દેખાય છે. નિર્દેશક તેને સૂચનો આપે છે ને એ પ્રકારના ફિલ્મના શૂટિંગનાં દૃશ્યો પણ છે. આ ઉપરાંત ફિલ્મની હીરોઈન અનુષ્કા શેટ્ટીની એક ઝલક પણ આ વીડિયોમાં જોવા મળે છે.

હૈદરાબાદઃ બાહુબલી-2 ફિલ્મનો ફિલ્મ ચાહકો બેતાબીથી ઈંતજાર કરી રહ્યા છે ત્યારે બાહુબલિના ક્લાઈમેક્સનો 9 મિનિટનો વીડિયો વાયરલ થતાં ખળભળાટ મચી ગયો છે. ફિલ્મી ચાહકોમાં આ વીડિયો વિશે ભારે ઉત્સુકતા પણ છે કેમ કે એવો દાવો થાય છે કે બાહુબલીને લગતા સૌથી મોટા રહસ્યનો તેમાં ખુલાસો કરાયો છે.

આ ચર્ચાના કારણે લોકો યુ ટ્યુબ પર આ વીડિયોને સતત સર્ચ કરી રહ્યા છે. બીજી ચર્ચા એવી છે કે જે વીડિયો લીક થયો છે તેમાં બાહુબલીને કટપ્પા મારે છે તે પહેલાંના સીન છે તેથી તેમાં‘કટપ્પાને બાહુબલી કો ક્યું મારા?’ એ સવાલનો જવાબ નથી મળતો.

આ ઉત્સુકતાનો અંત બાહુબલી-2ના ક્લાઈમેક્સના વીડિયોથી આવી ગયો છે એવી ચર્ચા સોશિયલ મીડિયા પર જોરશોરથી ચાલી રહી છે. અઢી-અઢી મિનિટના બે વીડિયો સોશિયલ મીડિયા પર ફરે છે તેમાં કટપ્પા બાહુલીને કેમ મારે છે તેનો ખુલાસો કરાયો હોવાની ચર્ચા છે.

બાહુબલી-2નું શૂટિંગ સમાપ્ત થઈ ગયું છે પણ ફિલ્મના નિર્દેશક રાજા મૌલીએ ફિલ્મની સ્ક્રીપ્ટને સસ્પેન્સ રાખી છે. તેના કારણે ‘કટપ્પાને બાહુબલી કો ક્યું મારા?’ એ સવાલનો જવાબ નથી મળ્યો. તેના કારણે પણ આ ફિલ્મ વિશે લોકોમાં ઉત્સુકતા વધી છે.

આ સંજોગોમાં ‘કટપ્પાને બાહુબલી કો ક્યું મારા?’ એ સવાલનો જવાબ બાહુબલી-2 રીલીઝ થાય ત્યારે જ મળે. ફિલ્મના નિર્દેશકે એ રીતે બાહુબલી-2 ફિલ્મ વિશે લોકોમાં ભારે ઉત્સુકતા પેદા કરી દીધી છે અને લોકો આ સવાલનો જવાબ મેળવવા માટે આ ફિલ્મ જોવા આતુર છે.

બાહુબલી ફિલ્મી રીલીઝ થઈ એ પછી આ ફિલ્મ જોનારા લોકોને એક સવાલ સતાવતો હતો કે, ‘કટપ્પાને બાહુબલી કો ક્યું મારા?’ બાહુબલીનો વફાદાર કટપ્પા બાહુબલીને મારી નાંખે છે એ દૃશ્ય સાથે બાહુબલી ફિલ્મનો પહેલો ભાગ પૂરો થતો હતો.