બિગ બોસ-13ને લઈને ચેનલે લીધો U Turn! 2 સપ્તાહનું એક્સટેંશન નહીં થાય, આ દિવસે ફિનાલે

અટકળો તો એવી પણ છે કે, સલમાન પાસે સમય ન હોવાને કારણે જ આમ થયું છે.

મુંબઈઃ બિસ બોસ સીઝન 13એ સફળતાના તમામ જૂના રેકોર્ડ તોડી નાંખ્યા છે. શોની જૂની સીઝનને આટલી પોપ્યુલારિટી ક્યારેય મળી નથી. ટીઆરપીમાં હાઈ બિગ બોસને 5 સપ્તાહ માટે એક્સેટેન્ડ કરવામાં આવ્યું હતું. હવે ફરીથી બિગ બોસ 13ને વધુ બે સપ્તાહ સુધી એક્સટેન્ડ કરવાની અટકળો છે. જેના પર મેકર્સે યૂ ટર્ન લીધો છે. સ્પોટબોયના અહેવાલ અનુસાર, મેકર્સે બે સપ્તાહ શોને એક્સટેન્ડ કરવાનો નિર્ણય ટાળી દીધો છે. ચેનલ અને એંડમોલની મીટિંગમાં કોઈ પરિણામ સામે ન આવ્યું. હાલમાં ચેનલ-એંડમોલે યૂ ટર્ન પાછળનું કારણ સામે આવ્યું નથી. જોકે હજુ સુધી બિગ બોસ તરફતી એક્સટેંશન થવા કે ન થવાને લઈને સત્તાવાર કોઈ જાહેરાત કરવામાં આવી નથી. એક્સટેંશન ન થવા પાછળ સલમાન ખાનનું વ્યસ્ત શેડ્યૂઅલ અને અન્ય વર્ક કમિટમેન્ટ્સ પણ જવાબદાર હોઈ શકે છે. અટકળો તો એવી પણ છે કે, સલમાન પાસે સમય ન હોવાને કારણે જ આમ થયું છે. નિર્માતાનું કહેવું છે કે આ મામલે હજુ સુધી કોઈ સત્તાવાર જાહેરાત નથી થઈ, માટે કંઇ પણ કહેવું યોગ્ય નથી. કેટલાક રિપોર્ટ્સ મુજબ સીઝનનું ગ્રાન્ડ ફિનાલે 15 ફેબ્રુઆરીના રોજ થશે. ત્યારે જોવાનું તે રહે છે કે આ સીઝનમાં કોણ ફાઇનલ વિનર બને છે.