બોલીવુડના આ જાણીતા એક્ટરને કોહલી પર ટિપ્પણી કરવી ભારે પડી, જાણો વિગત

થોડા દિવસો પહેલા એક પ્રમોશનલ ઈવેન્ટમાં એક ફેને કહ્યું હતું કે, તે ભારતીય ખેલાડીઓ કરતાં વધારે ઇંગ્લિશ અને ઓસ્ટ્રેલિયન ખેલાડીઓને પસંદ કરે છે. જે બાદ કોહલીએ તે ફેનને ભારત છોડવા કહ્યું હતું. જેને લઈ તે ટ્રોલ થયો હતો.

નસીરુદ્દીન શાહે ફેસબુક પોસ્ટમાં લખ્યું કે, વિરાટ કોહલી ન માત્ર દુનિયાનો શ્રેષ્ઠ બેટ્સમેન છે પરંતુ દુનિયાનો સૌથી ખરાબ વ્યવહાર કરનારો ખેલાડી પણ છે. તેની ક્રિકેટિંગ ક્ષમતા તેની ઉદ્ધતાઇ અને ખરાબ વ્યવહાર આગળ ઝાંખી પડી જાય છે. મારો ઈરાદો દેશ છોડવાનો નથી.

શાહની કોમેન્ટ બાદ લોકો સોશિયલ મીડિયા પર મિશ્ર પ્રતિક્રિયા આપી રહ્યા છે. અનેક લોકો નસીરુદ્દીન શાહની આ કમેન્ટની ભડક્યા છે. કેટલાક લોકોએ કોહલીનો બચાવ કરતાં કહ્યું કે ઓસ્ટ્રેલિયાને હરાવવા આ પ્રકારનો સ્વભાવ જરૂરી છે. ઘણા લોકોએ શાહની ફેસબુક વોલ પર અભદ્ર શબ્દો પણ લખ્યા છે.

મુંબઈઃ બોલીવુડના જાણીતા એક્ટરને ટીમ ઈન્ડિયાના કેપ્ટન વિરાટ કોહલી પર ટિપ્પણી કરવી ભારે પડી છે. નસીરુદ્દીન શાહે કોહલીના વ્યવહાર પર કરેલી કોમેન્ટ બાદ લોકો તેને ટ્રોલ કરી રહ્યા છે.