આજે આમિર ખાનના ત્રીજા લગ્ન: ગૌરી સ્પ્રેટ સાથે કરશે રજિસ્ટર મેરેજ, ઘરમાં જ યોજાશે ફંક્શન

Aamir Khan Gauri Spratt Wedding Mumbai: એક્ટર આમિર ખાન ત્રીજા લગ્ન કરવા જઈ રહ્યો છે. તે પોતાની લોંગ ટાઈમ ગર્લફ્રેન્ડ ગૌરી સ્પ્રેટ સાથે લગ્ન કરી રહ્યો છે.

આમિર ખાનના લગ્ન

Source : https://www.instagram.com/p/DaSnjJqDVRc/

Show Quick Read

Key points generated by AI, verified by newsroom

• આમિર ખાન 5 જુલાઈએ ત્રીજા લગ્ન કરશે.
• તેઓ ગર્લફ્રેન્ડ ગૌરી સ્પ્રેટ સાથે ઘરમાં લગ્ન કરશે.
• વર્ષોની મિત્રતા પછી ગૌરી સાથે રિલેશનશિપમાં આવ્યા.

Aamir Khan Gauri Spratt Wedding:  એક્ટર આમિર ખાન પર્સનલ લાઈફને લઈને ચર્ચામાં છે. તેઓ લગ્નના બંધનમાં બંધાવવાના છે. આ આમિર ખાનના ત્રીજા લગ્ન છે. તેઓ પોતાની ગર્લફ્રેન્ડ ગૌરી સ્પ્રેટ સાથે લગ્ન કરી રહ્યા છે. આમિરે પોતે પોતાના લગ્નની પુષ્ટિ કરી છે. આ લગ્ન આમિરના ઘરમાં જ થવાના છે.

 

લગ્નને લઈને આમિર ખાને આ વાત કહી હતી

પેપરાઝી સાથે વાતચીત કરતા આમિરે પોતાના ત્રીજા લગ્ન અંગે વાત કરી હતી. તેમણે કહ્યું હતું, 'હું 5 જુલાઈના રોજ લગ્ન કરી રહ્યો છું. આ લગ્નનો એક નાનો પ્રસંગ હશે. લગ્ન ઘર પર જ થશે. આ લગ્નમાં બંને પરિવારના લોકો અને નજીકના મિત્રો સામેલ થશે. 5 જુલાઈ અમારા માટે ખૂબ જ ખાસ છે. અમે બધાના આશીર્વાદ ઈચ્છીશું. બધા અમારી આ સફર માટે પ્રાર્થના કરે.'

જણાવી દઈએ કે આમિર ખાન અને ગૌરી ઘણા વર્ષોથી એકબીજાને જાણે છે. પહેલા બંને માત્ર મિત્રો હતા. પરંતુ પછી કિરણથી છૂટાછેડા લીધા બાદ તેઓ ગૌરી સાથે રિલેશનશિપમાં આવ્યા. આમિરે પોતાના બર્થડે પર ગૌરી સાથેના રિલેશનશિપની જાહેરાત પણ કરી હતી. ત્યાર પછીથી તેમને ગૌરી સાથે સ્પોટ કરવામાં આવ્યા હતા. ગૌરી સાથે આમિરના લગ્નની તૈયારીઓ શરૂ થઈ ચૂકી છે.

આમિર ખાનના બે લગ્ન અને છૂટાછેડા

આમિર ખાન બે લગ્ન કરી ચૂક્યા છે. તેમના પહેલા લગ્ન રીના દત્તા સાથે થયા હતા. આ લગ્નથી આમિર ખાનને બે બાળકો આયરા અને જુનૈદ ખાન છે. આયરા ફિલ્મોથી દુર રહે છે અને જુનૈદ બોલિવૂડમાં ડેબ્યુ કરી ચૂક્યો છે. રીના અને આમિરના લગ્ન 16 વર્ષ ચાલ્યા હતા. વળી, બીજા લગ્ન આમિરે કિરણ સાથે કર્યા હતા. આ લગ્નથી તેમને એક દીકરો આઝાદ છે. કિરણ સાથે પણ આમિરના લગ્ન 16 વર્ષ જ ચાલ્યા હતા.

આમિર-ગૌરીની લવ સ્ટોરી

આમિર ખાન અને ગૌરીની લવ સ્ટોરીની વાત કરીએ તો, બંને એકબીજાને 25 વર્ષથી જાણે છે. શરૂઆતમાં બંને સારા મિત્રો હતા. પછી કિરણથી અલગ થયા બાદ આમિર ખાન ગૌરીની નજીક આવ્યા. 2025 માં આમિરે ગૌરી સાથેના રિલેશનશિપને પબ્લિક કર્યા હતા.

રવિ કિશને અભિનંદન પાઠવ્યા
અભિનેતા રવિ કિશને આમિર ખાનને તેમના લગ્ન માટે અભિનંદન પાઠવ્યા છે. રવિ કિશને ઉલ્લેખ કર્યો છે કે તેઓએ આમિર દ્વારા નિર્મિત ફિલ્મ *લાપતા લેડીઝ* માં કામ કર્યું હતું, જે તેમના જીવનમાં એક મહત્વપૂર્ણ વળાંક હતો. તેમણે આમિર ખાનને લગ્ન માટે હૃદયપૂર્વક અભિનંદન પાઠવ્યા.

આ પણ વાંચો

Bhagyashree Photo: રેડ સાડીમાં પરમ સુંદરી લાગી ભાગ્યશ્રી, જુઓ અભિનેત્રીની સુંદર તસવીરો

નક્કી થઈ ગયા કાવ્યા મારનના લગ્ન! જાણો કોણ છે વરરાજા, શાહરુખ ખાન સાથે છે ખાસ કનેક્શન