આ એક્ટર બન્યો વેપારી, બોલ્યો- હું આઇસ્ક્રીમ વેચીશ, કિંમત 2 લાખ રૂપિયા ને GST અલગથી લઇશ.....

એક્ટર કાર્તિક આર્યને પોતાના ઇન્સ્ટાગ્રામ એકાઉન્ટ પર એક પૉસ્ટ શેર કરી છે, આ પૉસ્ટમાં વીડિયો છે, જેમાં તે આઇસ્ક્રીમનો વેપાર કરવાનુ કહી રહ્યો છે. આ આઇસ્ક્રીમની કિંમત બે લાખ રૂપિયા રાખી છે

મુંબઇઃ બૉલીવુડ એક્ટર કાર્તિક આર્યન દિવસે દિવસે ફેન્સની વચ્ચે વધુને વધુ પૉપ્યૂલર થઇ રહ્યો છે. કેમકે કાર્તિક આર્યન બૉલીવુડની તમામ ફિલ્મોમાં કામ કરી રહ્યો છે, અને તેનુ ફ્રેન્ડ અને ફેન્સ સર્કલ પણ વધી રહ્યું છે. હવે તે એક વેપારી બન્યો અને સોશ્યલ મીડિયામાં એક પૉસ્ટ કરીને તેને આઇસ્ક્રીમ વેચવાની વાત કહી છે. એક્ટર કાર્તિક આર્યને પોતાના ઇન્સ્ટાગ્રામ એકાઉન્ટ પર એક પૉસ્ટ શેર કરી છે, આ પૉસ્ટમાં વીડિયો છે, જેમાં તે આઇસ્ક્રીમનો વેપાર કરવાનુ કહી રહ્યો છે. આ આઇસ્ક્રીમની કિંમત બે લાખ રૂપિયા રાખી છે. ઉલ્લેખનીય છે કે, તાજેતરમાં જ બૉલીવુડના પ્રખ્યાત નિર્માતા-નિર્દેશક કરણ જોહરે કાર્તિક આર્યનને એક આઇસ્ક્રીમથી ભરેલું એક સરપ્રાઇઝ બૉક્સ મોકલ્યુ હતુ. આ આઇસ્ક્રીમ બૉક્સની એક તસવીર કાર્તિક આર્યને પોતાના ઇન્સ્ટાગ્રામ એકાઉન્ટ પર શેર કરી છે. આની સાથે કાર્તિક આર્યને કેપ્શન આપ્યુ છે કે, તે આ આઇસ્ક્રીમનો એક સ્કૂપ 2 લાખ રૂપિયામાં વેચશે અને જીએસટી અલગથી લેશે.

કાર્તિક આર્યનની ફિલ્મી કેરિયરની વાત કરીએ તો તે ટુંકસમયમાં ફિલ્મ ભુલ ભુલૈયા 2માં દેખાશે. બાદમાં તે જ્હાન્વી કપૂરની સાથે દોસ્તાના 2 પણ કરવાનો છે. ખાસ વાત છે કે કાર્તિક આર્યન બૉલીવુડની રિમેક કરવામાં માહિર થઇ ગયો છે.