જાણીતા ફિલ્મ ડાયરેક્ટર પર લાગ્યો જાતીય શોષણનો આરોપ, એક્ટ્રેસને કહ્યું હતુ કે કપડાં ઉતારો.............

સાજિદ ખાન પર વર્ષ 2018માં કેટલીક મહિલાઓએ જાતીય શોષણનો આરોપ લગાવ્યો હતો. હવે દિવંગત એક્ટ્રેસ જિયા ખાનની બહેને મોટો ખુલાસો કરીને જાતીય શોષણનો આરોપ લગાવ્યો છે

મુંબઇઃ બૉલીવુડ ઇન્ડસ્ટ્રીમાં કેટલીય સેલિબ્રિટીઝ પર સેક્સૂઅલ હેરેશમેન્ટનો આરોપ લાગ્યો છે. હવે આ લિસ્ટમાં વધુ એક ફિલ્મ ડાયરેક્ટર સાજિદ ખાનનુ નામ પણ ઉમેરાઇ ગયુ છે. સાજિદ ખાન પર વર્ષ 2018માં કેટલીક મહિલાઓએ જાતીય શોષણનો આરોપ લગાવ્યો હતો. હવે દિવંગત એક્ટ્રેસ જિયા ખાનની બહેને મોટો ખુલાસો કરીને જાતીય શોષણનો આરોપ લગાવ્યો છે. દિવંગત એક્ટ્રેસ જિયા ખાનની બહેને લગાવ્યો સાજિદ ખાન પર આરોપ... ખરેખર, સાજિદ ખાન પર આ વખતે જાતીય શોષણ કરવાનો આરોપ દિવંગત એક્ટ્રેસ જિયા ખાનની બહેન કરિશ્માએ લગાવ્યો છે. કરિશ્મા અનુસાર સાજિદે જિયાને ખુબ સેક્સૂઅલ હેરેશ કરી હતી. ઉલ્લેખનીય છે કે બીબીસીએ બૉલીવુડ એક્ટ્રેસ જિયા ખાન પર બેઝ્ડ એક ટીવી પ્રોગ્રામ રિલીઝ કર્યો હતો, જેમાં માત્ર યુનાઇટેડ કિંગડમમાં રિલીઝ કરવામાં આવી છે. આ વેબ સીરીઝના એક એપિસૉડમાં જિયા ખાનની બહેન કરિશ્માએ ફિલ્મ ડાયરેક્ટર સાજિદ ખાન પર ગંભીર આરોપ લગાવ્યો છે. સાજિદ ખાને જિયાને ટૉપ ઉતારવાનુ કહ્યુ હતું જિયાની બહેન કરિશ્મા જણાવે છે કે રિહર્સલ દરમિયાન જ્યારે જિઓ સ્ક્રિપ્ટ વાંચી રહી હતી, તે સમયે સાજિદ ખાને જિયાને ટૉપ ઉતારવા માટે કહ્યું હતુ. તેને ખબર જ નહતી પડી કે શું કરવુ. તેમને કહ્યું હતું કે ફિલ્મનુ શૂટિંગ હજુ શરૂ નથી થયુ અને આ બધુ થઇ રહ્યું છે. તે ઘરે આવી અને રડવા લાગી. આ કિસ્સો હાઉસફૂલ ફિલ્મના શૂટિંગ દરમિયાનનો છે. ડેથ ઇન બૉલીવુડ નામથી એક વીડિયોમાં તે કહી રહી છે કે - હું આ ફિલ્મ સાથે કૉન્ટ્રાક્ટમાં છુ, જો હુ શૉ છોડીશ તો મને ધમકાવવામાં આવશે, મારુ નામ બદનામ કરવાની કોશિશ કરવામાં આવશે. જો હુ ફિલ્મમાં રહુ છુ તો મારી સાથે જાતીય શોષણ કરવામાં આવશે, દરેક બાજુએથી હુ ફસાઇ રહી હતી. એટલા માટે મે ફિલ્મમાં કામ કર્યુ. નોંધનીય છે કે વર્ષ 2013માં જિયા ખાને આત્મહત્યા કરી લીધી હતી.