Bholaa: અજય દેવગને ફિલ્મના પ્રમોશન માટે કર્યો શાનદાર જુગાડ, રિલીઝ પહેલા ભોલા યાત્રાની શરુઆત કરી

બોલિવૂડ એક્ટર અજય દેવગણ તેની નવી ફિલ્મ ભોલાને લઈને ચર્ચામાં છે. અભિનેતા જબરદસ્ત એક્શન અને સ્ટંટ કરતે જોવા મળશે.

તસવીર ઈન્સ્ટાગ્રામ

Ajay Devgn Bholaa Yatra: બોલિવૂડ એક્ટર અજય દેવગણ તેની નવી ફિલ્મ ભોલાને લઈને ચર્ચામાં છે. અભિનેતા જબરદસ્ત એક્શન અને સ્ટંટ કરતે જોવા મળશે, જેની એક ઝલક ફિલ્મના ટ્રેલરમાં જોવા મળી છે.   અજય દેવગને 'ભોલા યાત્રા' શરૂ કરી છે, જે અંતર્ગત આજે તેણે મુંબઈથી 'ભોલા ટ્રક'ને ફ્લેગ ઓફ કરી છે, જેમાં ફિલ્મના પોસ્ટર છે.

મેકર્સે શરૂ કરી 'ભોલા યાત્રા'

મેકર્સે રિલીઝ પહેલા ભોલા યાત્રા શરૂ કરી છે. 'ભોલા'ની ટ્રકો થાણે, સુરત, અમદાવાદ, ઉદયપુર, જયપુર, ગુરુગ્રામ, દિલ્હી, કાનપુર અને લખનઉ શહેરોમાં મોકલવામાં આવી રહી છે. આ ટ્રક દરેક શહેરમાં એક મહત્વની જગ્યાએ પાર્ક કરવામાં આવશે અને શહેરોના લોકો માટે મસ્તી ભરી સાંજનું આયોજન કરવામાં આવશે.

'કૈથી'ની હિન્દી રિમેક છે ભોલા ફિલ્મ 

અજય દેવગનની 'ભોલા' સાઉથની હિટ ફિલ્મ કૈથીની હિન્દી રિમેક છે. જેમાં અજય દેવગન સિવાય તબ્બુ, ગજરાજ રાવ, દીપક ડોબરિયાલ જેવા સ્ટાર્સ જોવા મળશે. રસપ્રદ વાત એ છે કે આમાં અજય દેવગન મુખ્ય ભૂમિકા ભજવી રહ્યો છે અને તેણે પોતે જ આ ફિલ્મનું નિર્દેશન કર્યું છે.

ભોલા બાદ આ ફિલ્મમાં અજય દેવગન જોવા મળશે

જણાવી દઈએ કે અજય દેવગણ છેલ્લે ફિલ્મ દ્રષ્યમ 2 માં જોવા મળ્યો હતો, જે બોક્સ ઓફિસ પર સુપરહિટ સાબિત થઈ હતી. 'ભોલા' પછી અજય દેવગન રોહિત શેટ્ટી દ્વારા નિર્દેશિત ફિલ્મ સિંઘમ અગેઈનમાં જોવા મળશે. આમાં દીપિકા પાદુકોણ અજય દેવગનની હિરોઈન હશે. આ ફિલ્મ આ વર્ષે ફ્લોર પર જઈ શકે છે. અજય દેવગન ફરી એકવાર સિંઘમ અગેઇનમાં એક્શન અવતારમાં જોવા મળશે.