Alia Ranbir Wedding: રણબીર કપૂર સાથે લગ્નને લઈને આલિયા ભટ્ટનું આવ્યું પહેલું રીએક્શન, લખી દીધી આ વાત...
આલિયા અને રણબીર કપૂરે પોતાના લગ્ન વિશેના સમાચાર પર હજી સુધી કોઈ વાત નથી કરી છતાં પણ હાલ તેમના લગ્નની ચર્ચા ચારે તરફ થઈ રહી છે. આલિયા આમ તો તેના રણબીર કપૂર સાથેના સંબંધો વિશે ખુલીને વાત કરતી આવી છે
Alia Bhatt Ranbir Kapoor Wedding: આલિયા ભટ્ટ અને રણબીર કપૂરે પોતાના લગ્ન વિશેના સમાચાર પર હજી સુધી કોઈ વાત નથી કરી છતાં પણ હાલ તેમના લગ્નની ચર્ચા ચારે તરફ થઈ રહી છે. આલિયા આમ તો તેના રણબીર કપૂર સાથેના સંબંધો વિશે ખુલીને વાત કરતી આવી છે. પરંતુ આલિયાએ લગ્નના સમાચાર અંગે તો મૌન જ ધારણ કર્યું છે. હવે હમણાં જ આલિયા ભટ્ટે આ સમગ્ર ચર્ચાઓ વચ્ચે પોતાનું રિએક્શન આપ્યું છે.
વાત એમ છે કે, સોશિયલ મીડિયા પર જાણીતા યુટ્યુબર નિકુંજ લોટિયાએ રણબીર કપૂર અને આલિયા ભટ્ટના લગ્ન સાથે જોડાયેલ એક મજેદાર વીડિયો શેર કર્યો છે. આ વીડિયો જોયા બાદ આલિયા ભટ્ટ પણ પોતાની વાત મુકતાં પોતાની જાતને રોકી નથી શકી. થોડી વાર પહેલાં જ નિકુંજે આ વીડિયો પોતાના ઈંસ્ટાગ્રામ પર શેર કર્યો હતો.
વીડિયોમાં શાહિદ કપૂરની ફિલ્મ કબીર સિંહનો એક જાણીતો સીન રિ-ક્રિએટ કરવામાં આવ્યો છે. યુટ્યુબર નિકુંજ આ વીડિયોમાં સફેદ રંગના કુર્તા પાયજામામાં કાર પાછળ ભાગી રહ્યો છે. કાર પાછળ એક લગ્નનું બેનર લગાવાયું છે અને તેના પર લખ્યું છે કે, આલિયા વેટ્સ રણબીર. આટલું જ નહી નિકુંજે વીડિયોમાં એક જગ્યાએ રણબીર અને આલિયાના ફોટોમાં પોતાને રિપ્લેસ પણ કર્યો છે.
View this post on Instagram
આ વીડિયો જોઈને આલિયા પણ પોતાની જાતને રોકી નહોતી શકે અને તેણે વીડિયોમાં કોમેન્ટ કરી છે. આલિયાએ લખ્યું કે - ડેડ. આ સાથે આલિયાએ હસતા ઈમોજી પણ મુક્યા છે. હવે આલિયાની આ કોમેન્ટ બાદ લોકો અનુમાન લગાવી રહ્યા છે કે, આલિયાએ તેના અને રણબીરના લગ્નના સમાચાર પર મહોર મારી દીધી છે. મીડિયા રિપોર્ટ્સ અનુસાર આલિયા અને રણબીર 17 એપ્રિલના રોજ લગ્ન કરવા જઈ રહ્યા છે.
ટ્રેન્ડિંગ સમાચાર
ટોપ સ્ટોરી
