લૉકડાઉનમાં ગરીબો માટે અમિતાભ બચ્ચને શરૂ કરી આ સેવા, કહ્યું- બહુ મુશ્કેલ ટાસ્ક.....

77 વર્ષી બીગ બીએ હવે ગરીબો માટે 2000 ખાવાના પેકેટ્સનું વિતરણ શરૂ કર્યુ છે, બચ્ચન મુંબઇના કેટલાક વિસ્તારોમાં લંચ અને ડિનરનુ પેકેટ્સ વહેંચશે

મુંબઇઃ બૉલીવુડના સ્ટાર અમિતાભ બચ્ચને કોરોનામાં લૉકડાઉનના સમયે ગરીબોની મદદ કરવાનુ શરૂ કરી દીધુ છે. બીગ બીએ ગુરુવારથી ગરીબો અને મજૂરો માટે ખાવા-પીવાની વ્યવસ્થામાં મદદ શરૂ કરી છે. 77 વર્ષી બીગ બીએ હવે ગરીબો માટે 2000 ખાવાના પેકેટ્સનું વિતરણ શરૂ કર્યુ છે, બચ્ચન મુંબઇના કેટલાક વિસ્તારોમાં લંચ અને ડિનરનુ પેકેટ્સ વહેંચશે. આ ઉપરાંત બીગ બી મહિના સુધીનો જરૂરિયાતના સામાનની 3000 બેગ્સ પણ લોકો સુધી પહોંચાડવાના છે. પોતાના બ્લૉગમાં બચ્ચને લખ્યુ- ખાનગી રીતે 2000 ખાવાના પેકેટ્સ લંચ અને ડિનર માટે શહેરની અલગ અલગ જગ્યાઓ પર દરરોજ વહેંચવામાં આવી રહ્યાં છે. આની સાથે જ લગભગ 3000 મોટી બેગ્સને પહોંચાડવાનો સિલસિલો પણ ચાલી રહ્યો છે. આનાથી લગભગ 12000 લોકોનુ પેટ ભરાશે.

અમિતાભ બચ્ચને ખુદ આ વાત પર કહ્યું કે, આ એક મુશ્કેલ ટાસ્ક છે, ભગવાનનો આભાર, હાલના મુશ્કેલ સમયમાં પણ સ્વયંસેવકો બહુજ મહેનત કરી રહ્યાં છે. તેઓ ધ્યાન રાખે બધુ બરાબર થયા, આ એક બહુજ મુશ્કેલ ટાસ્ક છે. પણ લાઇનો પણ દિવસે દિવસે વધી રહી છે. નોંધનીય છે કે, અમિતાભ બચ્ચને આ પહેલા એક શોર્ટ ફિલ્મ બનાવીને લોકોને ઘરમાં રહેવા, સુરક્ષિત રહેવા અપીલ કરી હતી.