Anupam Kher Injured: ફિલ્મ અભિનેતા અનુપમ ખેર આ દિવસોમાં લખનૌમાં તેની આગામી ફિલ્મ 'કાગઝ 2'નું શૂટિંગ કરી રહ્યા છે. અહેવાલ છે કે અભિનેતાને શૂટિંગ દરમિયાન ઈજા થઈ છે. ટાઈમ્સ ઓફ ઈન્ડિયાના સમાચાર અનુસાર, એક સૂત્રએ જણાવ્યું કે અભિનેતા કોર્ટના સીનનું શૂટિંગ કરી રહ્યા હતા ત્યારે તેને ઈજા થઈ.
સૂત્રએ કહ્યું કે, તે એક ખુબ ઈન્ટેસ કોર્ટરૂમ સીન હતો અને અનુપમ ખેર તેમાં સંપૂર્ણપણે ખોવાઈ ગયા હતા. શૂટિંગ દરમિયાન તે સેટ પર ફરતા હતા, ત્યારે અચાનક તેનું માથું એક ખૂણામાં લાકડાના સ્ટ્રક્ચર સાથે અથડાયું. ત્યારપછી તેના સહ કલાકારો દર્શન કુમાર અને સતીશ કૌશિક એક્ટર પાસે દોડી ગયા અને એ જોવા માટે કે તે ઠીક છે કે નહીં. અભિનેતા માટે તરત જ આઈસપેક મંગાવવામાં આવ્યા જેથી તેને સોજો ન આવે.
સૂત્રએ વધુમાં ઉમેર્યું હતું કે, મેકર્સે શૂટ મોકુફ રાખવા કહ્યું હતું, પરંતુ અભિનેતાએ તેમ કરવાનો ઇનકાર કર્યો અને શૂટિંગ ચાલુ રાખ્યું. તેણે ડાયરેક્ટરને વિનંતી કરી કે તેને થોડો સમય આપો જેથી પીડા ઓછી થઈ જાય. બધાને થોડા ટેન્શનમાં જોઈને, અનુપમ ખેર સેટ પર વાતાવરણને હળવું કરવા માટે તેમની ઈજા વિશે જોક્સ કરવા લાગ્યા. તે પછી તેણે કોઈ મુશ્કેલી વિના આગળ શૂટિંગ કર્યું. તમને જણાવી દઈએ કે પંકજ ત્રિપાઠી અને સતીશ કૌશિકની ફિલ્મ 'કાગઝ' વર્ષ 2020માં રિલીઝ થઈ હતી. હવે આ ફિલ્મનો બીજો ભાગ રિલીઝ થશે, જેનું શૂટિંગ હાલમાં લખનૌમાં ચાલી રહ્યું છે. આ ફિલ્મમાં દર્શન કુમાર અનુપમ ખેરના પુત્રના રોલમાં જોવા મળશે.
આ પણ વાંચોઃ
ઓસ્ટ્રેલિયામાં પૂરથી તબાહી, સિડનીમાં 50 હજાર લોકો પ્રભાવિત, જુઓ તસવીરો
Chaturmas 2022: ચાતુર્માસમાં ન કરો 8 કામ, નહીંતર થશે.......
Maruti Suzuki લાવી રહી છે 3 નવી કોમ્પેક્ટ SUV, મળશે ધાંસૂ ફીચર્સ, જાણો ડિટેલ
Gujarat Rain: રાજ્યમાં જામ્યો વરસાદી માહોલ, જાણો છેલ્લા 24 કલાકના આંકડા
CNG Price Hike: સીએનજીના ભાવમાં ફરી થયો વધારો, જાણો ડીઝલ અને સીએનજી વચ્ચે માત્ર કેટલો રહ્યો તફાવત