Dhamaal 4 Trailer: 'ધમાલ- 4'નું ટ્રેલર રીલિઝ, જોઈને તમે હસી-હસીને લોથપોથ થઈ જશો

Dhamaal 4 Trailer Out: અજય દેવગણ, અરશદ વારસી, રિતેશ દેશમુખ અને જાવેદ જાફરી ફરી એકવાર થિયેટરમાં ધમાલ મચાવવા માટે તૈયાર છે

અજય દેવગણ, અરશદ વારસી, રિતેશ દેશમુખ અને જાવેદ જાફરી ફરી એકવાર થિયેટરમાં ધમાલ મચાવવા માટે તૈયાર છે

Source : Source : X/Ajay Devgn

Dhamaal 4 Trailer Out: હિટ ફ્રેન્ચાઇઝ "ધમાલ" ની ચોથી સિક્વલ છેલ્લા કેટલાક દિવસોથી સમાચારમાં છે. ફિલ્મના ટ્રેલરની રાહ હવે પૂરી થઈ ગઈ છે. અજય દેવગણ, અરશદ વારસી, રિતેશ દેશમુખ અને જાવેદ જાફરી ફરી એકવાર થિયેટરમાં ધમાલ મચાવવા માટે તૈયાર છે.  તેઓ "ધમાલ 4" માં જોવા મળશે અને ફિલ્મનું ટ્રેલર પણ રિલીઝ થઈ ગયું છે, જે સોશિયલ મીડિયા પર ધૂમ મચાવી રહ્યું છે.

"ધમાલ 4"નું ટ્રેલર કેવું છે?

"ધમાલ 4"નું ટ્રેલર ફરી એકવાર કોમેડીથી ભરેલું છે, જેમાં એક જોરદાર વાર્તા જોવા મળશે. તેમાં અજય દેવગણ, અરશદ વારસી, રિતેશ દેશમુખ, જાવેદ જાફરી અને અન્ય કલાકારો ખજાનાની શોધમાં લાગ્યા છે અને તેમાં કોમેડીની એક શાનદાર ડોઝ જોવા મળશે.

'ધમાલ 4'માં એક રસપ્રદ વાત એ છે કે આ હિટ ફ્રેન્ચાઇઝમાં કેટલાક નવા કલાકારો જોડાયા છે, જેમાં ઈશા ગુપ્તા, સંજીદા શેખ, અંજલી આનંદ, રવિ કિશન, ઉપેન્દ્ર લિમયે અને વિજય પાટકરનો સમાવેશ થાય છે. 'સિંઘમ 3' પછી રવિ કિશન અને અજય દેવગણ ફરી એકવાર સ્ક્રીન શેર કરશે. રવિને એક અલગ અંદાજમાં જોવાનું રસપ્રદ રહેશે. 'ધમાલ 4'નું બીજું રસપ્રદ પાસું એ છે કે તે કોમેડીને હોરર સાથે જોડે છે. ફિલ્મમાં ભોજપુરી સ્પર્શ પણ છે. નીલકમલ સિંહ દ્વારા ગાયું ભોજપુરી ગીત 'ફુલૌરી બીના ચટની કઈસે બની' કોમેડીમાં વધારો કરે છે.

'ધમાલ 4' જોયા પછી લોકોએ શું કહ્યું?

વધુમાં લોકો "ધમાલ 4" ના ટ્રેલર પર જોરદાર રિએક્શન આપી રહ્યા છે. તેની મજબૂત કોમેડીની તુલના "વેલકમ ટુ ધ જંગલ" સાથે કરવામાં આવી રહી છે. લોકોએ તેને અક્ષયની ફિલ્મ કરતાં વધુ સારી ગણાવી છે. કેટલાક લોકોએ તેમના બાળપણની યાદ તાજી કરતા કહ્યું છે કે, "આ આપણું બાળપણ છે. આદિ અને માનવની જોડી." લોકો આવી જ પ્રતિક્રિયા આપી રહ્યા છે. ફિલ્મ 10 જૂલાઈના રોજ થિયેટર્સમાં રીલિઝ થશે.