Drishyam 2 Box Office Collection: ‘દ્રશ્યમ 2’ની કમાણીમાં આવ્યો ભારે ઉછાળો, નવમા દિવસે કરી આટલા કરોડની કમાણી

હિન્દી સિનેમાના દિગ્ગજ અભિનેતા અજય દેવગણની ફિલ્મ 'દ્રશ્યમ 2' સતત કમાણીના રેકોર્ડ સર્જી રહી છે

Drishyam 2 Box Office Collection

Source : IMDb

Drishyam 2 Box Office:  હિન્દી સિનેમાના દિગ્ગજ અભિનેતા અજય દેવગણની ફિલ્મ 'દ્રશ્યમ 2' સતત કમાણીના રેકોર્ડ સર્જી રહી છે. અજયની 'દ્રશ્યમ 2'  ફિલ્મના કલેક્શનમાં પણ ઘણો વધારો થઈ રહ્યો છે. રિલીઝના 9મા દિવસે 'દ્રશ્યમ 2'એ બમ્પર કમાણી કરીને બધાને ચોંકાવી દીધા છે.

#Drishyam2 at *national chains*… *Day 8* vs *Day 9* biz…
⭐️ #PVR: 1.95 cr / 3.32 cr
⭐️ #INOX: 1.51 cr / 2.97 cr
⭐️ #Cinepolis: 79 lacs / 1.40 cr
⭐️ Total: ₹ 4.25 cr / ₹ 7.69 cr
GROWTH: 80.94% pic.twitter.com/3zeUfGVvYZ

— taran adarsh (@taran_adarsh) November 26, 2022

'દ્રશ્યમ 2' એ 9મા દિવસે શાનદાર બિઝનેસ કર્યો

સુપરસ્ટાર અજય દેવગણની 'દ્રશ્યમ 2' આજકાલ દર્શકોની પહેલી પસંદ છે. થિયેટરમાં સસ્પેન્સ થ્રિલર 'દ્રશ્યમ 2' જોવા માટે મોટી સંખ્યામાં લોકો આવી રહ્યા છે. 'દ્રશ્યમ 2' એ બીજા શનિવારે ધમાકેદાર કમાણી કરી છે, જેના કારણે તેના 9માં દિવસે બોક્સ ઓફિસ પર 'દ્રશ્યમ 2'ની કમાણીમાં જોરદાર ઉછાળો આવ્યો છે. કોઈમોઈના રિપોર્ટ અનુસાર, 'દ્રશ્યમ 2' એ બીજા શનિવારે બોક્સ ઓફિસ પર 13.50-14 કરોડની વચ્ચે કલેક્શન કર્યું છે.

'દ્રશ્યમ 2'નું આ કલેક્શન પહેલા વીકએન્ડ પછી બેસ્ટ છે. બીજી તરફ 'દ્રશ્યમ 2'ના બીજા શનિવારના બિઝનેસમાં શુક્રવારની સરખામણીએ 80 ટકાનો વધારો થયો છે. અંદાજ લગાવવામાં આવી રહ્યો છે કે અજય દેવગણની 'દ્રશ્યમ 2' આ બીજા વિકેન્ડ પર 140 કરોડની નજીક પહોંચી જશે.

'દ્રશ્યમ 2'નું કુલ કલેક્શન છે

પ્રથમ સપ્તાહની સાથે બીજા સપ્તાહમાં પણ 'દ્રશ્યમ 2' બોક્સ ઓફિસ પર વધુ જોરદાર કમાણી કરતી જોવા મળી રહી છે. નોંધનીય છે કે, 'દ્રશ્યમ 2'ના કુલ બોક્સ ઓફિસ કલેક્શનમાં શનિવારના આંકડાઓ ઉમેરીએ તો અજય દેવગણની 'દ્રશ્યમ 2' એ 9 દિવસમાં કુલ 126 કરોડની કમાણી કરી છે.

જયારે મુંબઈમાં Vikram Gokhaleનું નહોતું ઘર ત્યારે અમિતાભ બચ્ચને આ રીતે કરી હતી મદદ

Amitabh Bachchan-Vikram Gokhale: હિન્દી સિનેમાના પીઢ અભિનેતા વિક્રમ ગોખલેનું 26 નવેમ્બરના રોજ અવસાન થયું. વિક્રમ ગોખલેએ પૂણેની દીનાનાથ હોસ્પિટલમાં અંતિમ શ્વાસ લીધા. લાંબા સમયથી સ્વાસ્થ્ય સમસ્યાઓ સામે ઝઝૂમી રહેલા વિક્રમ ગોખલે લાંબા સમયથી હોસ્પિટલમાં સારવાર હેઠળ હતા.જો કે લાંબી લડાઈ બાદ તેઓએ ગત રોજ અંતિમ શ્વાસ લીધા હતા. સદીના મેગાસ્ટાર અમિતાભ બચ્ચન અને વિક્રમ ગોખલેની મિત્રતાની વાતો જાણીતી છે. ત્યારે આજે અમે તમને જણાવીશું કે જ્યારે બિગ બીએ વિક્રમ ગોખલેની મુંબઈમાં ઘર ન હતું ત્યારે કેવી રીતે મદદ કરી હતી.

અમિતાભ બચ્ચને વિક્રમ ગોખલેને આ રીતે મદદ કરી

વિક્રમ ગોખલે તેમની કારકિર્દીના શરૂઆતના દિવસોમાં માયાનગરી મુંબઈ આવ્યા ત્યારે તેમની પાસે રહેવા માટે ઘર નહોતું. વિક્રમ ગોખલે આશ્રયની શોધમાં મુંબઈમાં ભટકવા લાગ્યા. એક જૂના ઈન્ટરવ્યુમાં વિક્રમ ગોખલેએ ખુલાસો કર્યો હતો કે અમિતાભે તેમને મુંબઈમાં ઘર મેળવવામાં ઘણી મદદ કરી હતી. વિક્રમ ગોખલેએ તે દરમિયાન કહ્યું- 'જ્યારે હું સંઘર્ષના દિવસોમાં મુંબઈ આવ્યો ત્યારે મારી આર્થિક સ્થિતિ બિલકુલ સારી નહોતી. રહેવા માટે માથા પર છત ન હતી, તેની શોધમાં તે દિવસ-રાત ભટકતો હતો. જ્યારે અમિતાભ બચ્ચનને આ વાતની જાણ થઈ ત્યારે તેમણે અંગત રીતે મહારાષ્ટ્રના તત્કાલિન મુખ્ય પ્રધાન મનોહર જોશીને એક પત્ર લખ્યો હતો. જેમાં મને ઘરની મદદ કરવા માટે ભલામણ કરી હતી. બિગ બીની મદદથી મને મહારાષ્ટ્ર સરકાર તરફથી સરકારી આવાસ મળ્યું હતું.