એક્ટ્રેસ કરીના કપૂરનો કોરોના રિપોર્ટ આવ્યો નેગેટિવ, જાણો કોનો માન્યો આભાર ?

બોલિવૂડ અભિનેત્રી કરીના કપૂર ખાને તેના ફેન્સ માટે સોશિયલ મીડિયા પર એક પોસ્ટ શેર કરી કે તેણીનો કોવિડ -19  રિપોર્ટ નેગેટિવ આવ્યો છે.

મુંબઈ: બોલિવૂડ અભિનેત્રી કરીના કપૂર ખાને તેના ફેન્સ માટે સોશિયલ મીડિયા પર એક પોસ્ટ શેર કરી કે તેણીનો કોવિડ -19  રિપોર્ટ નેગેટિવ આવ્યો છે. કરીના કપૂર અને અમૃતા અરોરા કરન જોહરના ઘરે પાર્ટીમાં હાજર રહ્યા બાદ સંક્રમિત થયા  હતા. નવા વર્ષની શરુઆત પહેલા કરીના કપૂર ખાનનો કોરોના રિપોર્ટ નેગેટિવ આવતા ફેન્સ માટે મહત્વના સમાચાર છે.

કરીના કપૂરનો કોરોના રિપોર્ટ નેગેટિવ આવ્યો છે આ વાતની પુષ્ટી તેણે પોતે કરી છે. કોવિડ 19 ટેસ્ટ થયા બાદ નેગેટિવ રિપોર્ટ આવતા તેણે પોતાના ફેન્સને આ ખુશી સમાચાર આપ્યા છે. બેબોએ સોશિયલ મીડિયા પર એક નિવેદન જાહેર કરી આ વાતની જાણકારી આપી છે અને સાથે તેણે તમામ લોકોનો આભાર માન્યો, જેમણે આ મુશ્કેલ સમયમાં તેના પરિવારનો સાથ આપ્યો અને તેનું ધ્યાન રાખ્યું હતું.

પોતાના નિવેદનમાં કરીનાએ સૌથી પહેલા પોતાની મોટી બહેન કરિશ્મા કપૂરનું પરિવારનું ધ્યાન રાખવા માટે આભાર વ્યક્ત કર્યો હતો, સાથે જ પતિ અને મિત્રોનો ઉલ્લેખ કર્યો છે. કરીનાએ પોતાની ઈન્સ્ટા સ્ટોરી પર લખ્યું,  મારો કોવિડ-19નો રિપોર્ટ નેગેટિવ આવ્યો છે. આ ભયંકર સ્વપ્નમાંથી બહાર નીકળવામાં મને મદદ કરવા બદલ હું મારી બહેનનો આભાર માનું છું. મારી બેસ્ટ ફ્રેન્ડ અમૃતા, અમે બંનેએ તે કરી બતાવ્યું.  મારો પરિવાર, મિત્રો, પૂની, નૈના અને મારા માટે પ્રાર્થના કરનારા દરેકનો આભાર. ચાહકોનો પણ આભાર. BMC ખૂબ જ સક્રિય રહ્યું. આ સાથે, SRL લેબ્સ જે બેસ્ટ રહી. 

આ સિવાય કરીનાએ અંતમાં કંઈક કહ્યું છે- 'અને અંતમાં હું મારા પતિ સૈફ, જે આટલા દિવસો સુધી હોટલના રૂમમાં કેદ રહ્યા, તે પણ આટલી સહનશીલતા સાથે, પરિવારથી દૂર. દરેકને મેરી ક્રિસમસ, સુરક્ષિત રહો. ચલો હવે બાય, મારા  મારા બાળકોને  ખૂબ જ કિસ કરવાની છે.

કરીના કપૂર ખાને  કરન  જોહરની ડિનર પાર્ટીમાં અમૃતા અરોરા, સીમા ખાન અને મહિપ કપૂર સાથે હાજરી આપી હતી. તરત જ, તે બધા કોવિડ પોઝિટિવ હોવાનું જાણવા મળ્યું હતું,  જ્યારે કરણ અને તેના પરિવારનો કોવિડ -19 રિપોર્ટ નેગેટિવ આવ્યો હતો.