બોલિવૂડ એક્ટ્રેસ Priyanka Chopra માતા બની, સરોગેસીથી થયો બાળકનો જન્મ
બોલિવૂડ એક્ટ્રેસ પ્રિયંકા ચોપરા માતા બની ગઇ છે. આ વાતની જાણકારી તેણે સોશિયલ મીડિયા મારફતે આપી હતી.
બોલિવૂડ એક્ટ્રેસ પ્રિયંકા ચોપરા માતા બની ગઇ છે. આ વાતની જાણકારી તેણે સોશિયલ મીડિયા મારફતે આપી હતી. આ પોસ્ટમાં તેણે પ્રાઈવસી જાળવી રાખવા લોકોને અપીલ કરી છે. બાળકનો જન્મ સરોગેસી મારફતે થયો હતો. પ્રિયંકા ચોપરાએ વર્ષ 2018માં અમેરિકન સિંગર નિક જોનાસ સાથે લગ્ન કર્યા હતા. નોંધનીય છે કે પ્રિયંકા ચોપરા વર્ષ 2000માં મિસ વર્લ્ડનું ટાઇટલ જીતી ચૂકી છે.
View this post on Instagram
પ્રિયંકા ચોપરાએ સોશિયલ મીડિયા પર જાણકારી આપતા કહ્યું કે અમને જણાવતા આનંદ થાય છે કે સરોગેસી મારફતે અમે એક બાળકનું સ્વાગત કરી રહ્યા છીએ. આ સન્માન સાથે કહેવા માંગીએ છીએ કે આ વિશેષ સમયમાં અમારી પ્રાઇવેસીનું ધ્યાન રાખવામાં આવે. અમે અમારા પરિવાર પર ધ્યાન કેન્દ્રિત કરવા માંગીએ છીએ. આભાર. રાજસ્થાનમાં વર્ષ 2018માં નિક જોનાસ સાથે લગ્ન કર્યા બાદ પ્રિયંકા ચોપરા મોટાભાગનો સમય અમેરિકામાં પોતાના પતિ સાથે રહે છે.
પ્રિયંકા ચોપરા બોલિવૂડની સૌથી મોંઘી એક્ટ્રેસમાં સામેલ છે. પ્રિયંકાને બે રાષ્ટ્રીય ફિલ્મ પુરસ્કાર અને પાંચ ફિલ્મફેર એવોર્ડ મળી ચૂક્યા છે. 2016માં ભારત સરકારે પ્રિયંકાને પદ્મ શ્રીથી સન્માનિત કરી હતી. ટાઇમ મેગેઝીને પ્રિયંકાને દુનિયાના 100 સૌથી પ્રભાવશાળી લોકોમાં સામેલ કરી હતી. ફોર્બ્સે પણ તેને દુનિયાના 100 સૌથી શક્તિશાળી મહિલાઓની લિસ્ટમાં સ્થાન આપ્યું હતું.
ટ્રેન્ડિંગ સમાચાર
ટોપ સ્ટોરી
