Pushpa 2: 'પુષ્પા 2' બની ભારતીય ફિલ્મના છેલ્લા 110 વર્ષોની સૌથી મોટી ફિલ્મ

પુષ્પા 2 ધ રૂલ એ ​​18મા દિવસે દેશની સૌથી વધુ કમાણી કરનાર ફિલ્મ બાહુબલી 2 નો રેકોર્ડ તોડી નાખ્યો છે

ફોટોઃ X

Source : Instagram

Pushpa 2 Box Office Collection Day 18: બરાબર 18 દિવસ પહેલા જ્યારે અલ્લુ અર્જુનની તેલુગુ ફિલ્મ 'પુષ્પા 2' રિલીઝ થઈ હતી, ત્યારે કોઈને ખબર નહોતી કે આ ફિલ્મ એવું કરશે જે આજ સુધી કોઈ પણ ભારતીય ભાષાની ફિલ્મ કરી શકી નથી. 5મી ડિસેમ્બરે રિલીઝ થયેલી પુષ્પા 2 એ 22મી ડિસેમ્બરને ઐતિહાસિક બનાવી દીધી છે.

ડાયરેક્ટર સુકુમારના નિર્દેશનમાં બનેલી 2021ની પુષ્પા ધ રાઇઝનો બીજો ભાગ પુષ્પા 2 ધ રૂલ એ ​​18મા દિવસે દેશની સૌથી વધુ કમાણી કરનાર ફિલ્મ બાહુબલી 2 નો રેકોર્ડ તોડી નાખ્યો છે.  બાહુબલી 2 નો રેકોર્ડ તોડ્યા બાદ ફિલ્મે અત્યાર સુધી કેટલી કમાણી કરી છે.

પુષ્પા 2 એ બાહુબલી 2 નો રેકોર્ડ તોડ્યો

પુષ્પા 2 એ 17મા દિવસે કુલ 1029.9 કરોડ રૂપિયાની કમાણી કરી હતી. ભારતમાં સૌથી વધુ કમાણી કરનાર ટોપ 10 ફિલ્મોની યાદીમાં પ્રભાસની બાહુબલી 2 1030.42 કરોડ રૂપિયાની કમાણી કરીને પ્રથમ ક્રમે હતી. હવે પુષ્પા 2 એ માત્ર 52 લાખ રૂપિયાની કમાણી કરીને આને પાછળ છોડી દીધી છે.

આમ કરીને આ ફિલ્મે સૌથી વધુ કમાણી કરનાર ભારતીય ફિલ્મોની યાદીમાં નંબર 1નું સ્થાન મેળવ્યું છે. ફિલ્મની કમાણી હજુ પણ યથાવત સ્થિતિમાં છે, તે જોતા તે દિવસ દૂર નથી જ્યારે પુષ્પા 2 રૂપિયા 1100 કરોડનો આંકડો પાર કરશે. નોંધનીય છે કે ભારતમાં પહેલી ફિલ્મ 1913માં રિલીઝ થઈ હતી. ત્યારથી લઈને અત્યાર સુધી કોઈ પણ ફિલ્મ આ આંકડા સુધી પહોંચી શકી નથી જે પુષ્પા 2 એ હાંસલ કર્યો છે.

કઈ ભાષામાં કેટલી કમાણી થઈ?

'પુષ્પા 2: ધ રૂલ' એક તેલુગુ ફિલ્મ છે છતાં તે તેના હિન્દી વર્ઝનમાં સૌથી વધુ કમાણી કરી રહી છે. આ ફિલ્મને તેલુગુ ઉપરાંત હિન્દી, તમિલ, કન્નડ અને મલયાલમમાં ડબ કરવામાં આવી છે. આ ફિલ્મે હિન્દી ભાષામાં 679.65 કરોડ રૂપિયાનું જોરદાર કલેક્શન કર્યું છે. આ ફિલ્મે તેલુગુમાં 307.8 કરોડ રૂપિયા, તમિલમાં 54.05 કરોડ રૂપિયા, કન્નડમાં 7.36 કરોડ રૂપિયા અને મલયાલમમાં 14.04 કરોડ રૂપિયાની કમાણી કરી છે.

ચાહકો પુષ્પા 3 ની રાહ જોઈ રહ્યા છે

પુષ્પા 2 ના અંતે પુષ્પા 3 થી સંબંધિત એક સંકેત આપવામાં આવ્યો હતો. આનો અર્થ એ છે કે અલ્લુ અર્જુન, રશ્મિકા મંદાના અને ફહદ ફાસિલ આગામી વર્ષોમાં ફરી બોક્સ ઓફિસ પર ધમાલ મચાવશે. જોકે, પુષ્પા 3ની રિલીઝ ડેટ અંગે હજુ સુધી કોઈ સત્તાવાર જાહેરાત કરવામાં આવી નથી.