સેલ્ફી લેવાના ચક્કરમાં એક્ટ્રેસને માથામાં વાગ્યો કેમેરો, ઇજા થતાં ઇવેન્ટ છોડીને ભાગી ગઇ

કેમેરો વાગતો જ એક્ટ્રેસને માથામાં ઇજા થઇ, જ્યારે એવોર્ડ સમારંભ ચાલી રહ્યો હતો ત્યારે અમૂક લોકોને એવોર્ડ આપ્યા વિનાજ ચાલુ ઇવેન્ટમાં જ સ્ટેજ છોડીને બહાર નીકળી ગઇ હતી

નવી દિલ્હીઃ બૉલીવુડ એક્ટ્રેસ રવિના ટંડનને લઇને એક સમાચાર આવી રહ્યાં છે, એક પ્રાઇવેટ સંસ્થાના બ્રાઇડ શૉમાં એવોર્ડ વિતરણ સમારોહમાં પહોંચેલી એક્ટ્રેસને માથામાં કેમેરો વાગતા ઇજા થઇ હતી, જેથી એક્ટ્રેસ સમારોહ છોડીને ભાગી ગઇ હતી. ઇન્દોરમાં બ્રાઇડલ શૉના એવોર્ડ સમારોહમાં હાજરી આપવા પહોંચેલી એક્ટ્રેસ રવિના ટંડનને ફેન્સ ઘેરી લીધી હતી, રવિના ટંડન નાટ્યગૃહના મુખ્ય ગેટ પર પહોંચી ત્યારે ફેન્સે તેની સાથે સેલ્ફી લેવાનો આગ્રહ કર્યો અને ચારેય બાજુથી ઘેરી લીધી હતી. આ દરમિયાન સેલ્ફી લેવાના ચક્કરમાં રવિના ટંડનને કેમેરો માથામાં વાગી ગયો હતો. કેમેરો વાગતો જ એક્ટ્રેસને માથામાં ઇજા થઇ, જ્યારે એવોર્ડ સમારંભ ચાલી રહ્યો હતો ત્યારે અમૂક લોકોને એવોર્ડ આપ્યા વિનાજ ચાલુ ઇવેન્ટમાં જ સ્ટેજ છોડીને બહાર નીકળી ગઇ હતી. આ મેગા બ્રાઇડલ શૉના કાર્યક્રમમાં રવિનાની સાથે સાથે આસામ, મેઘાલય અને દેશભરના કેટલાય શહેરોમાંથી આવેલા બ્યૂટી એક્સપર્ટને આમંત્રિત કરવામાં આવ્યા હતા.