![ABP Premium](https://cdn.abplive.com/imagebank/Premium-ad-Icon.png)
Singham 3માં એક્શનનો ટ્રિપલ ડોઝ હશે, આ મહિનાથી શરુ થશે ફિલ્મનું શૂટિંગ
સિંઘમ રિટર્ન્સને 2014માં રિલીઝ કર્યો હતો. અજયની સિંઘમ 2 પણ બોક્સ ઓફિસ પર સુપરહિટ સાબિત થઈ હતી. એવામાં 8 વર્ષ બાદ હવે મોટું અપડેટ આવ્યું છે.
![Singham 3માં એક્શનનો ટ્રિપલ ડોઝ હશે, આ મહિનાથી શરુ થશે ફિલ્મનું શૂટિંગ Rohit Shetty And Ajay Devgn Singham 3 Shooting Likely Start Soon, Read Here Singham 3માં એક્શનનો ટ્રિપલ ડોઝ હશે, આ મહિનાથી શરુ થશે ફિલ્મનું શૂટિંગ](https://feeds.abplive.com/onecms/images/uploaded-images/2021/11/06/073f85517b06bb9aa8ed61eab26cef41_original.jpg?impolicy=abp_cdn&imwidth=1200&height=675)
Rohit Shetty Singham 3: હિન્દી ફિલ્મોના ફેમસ ડાયરેક્ટર રોહિત શેટ્ટીની મોસ્ટ અવેટેડ ફિલ્મ સિંઘમ 3ની બધા રાહ જોઈ રહ્યા છે. બોલીવુડ સુપરસ્ટાર અજય દેવગનને પોલીસ ઓફિસરના અવતારમાં જોવા માટે ફેન્સ ઘણા ઉત્સાહિત છે. આ બધાની વચ્ચે હવે સિંઘમ ફ્રેંચાઈજીની ત્રીજી ફિલ્મ વિશે મોટું અપડેટ આવ્યું છે જેમાં અજય અને રોહિતની આ ફિલ્મની શૂટિંગ ક્યારથી શરુ થશે તેની માહિતી મળી છે.
આ દિવસથી શરુ થશે સિંઘમ 3નું શૂટિંગઃ
વર્ષ 2011માં આવેલી અજય દેવગનની ફિલ્મ સિંઘમની બંપર સફળતા બાદ આ ફિલ્મના ડાયરેક્ટર રોહિત શેટ્ટીએ આ સિરીઝને આગળ વધારતાં બીજો ભાગ એટલે કે, સિંઘમ રિટર્ન્સને 2014માં રિલીઝ કર્યો હતો. અજયની સિંઘમ 2 પણ બોક્સ ઓફિસ પર સુપરહિટ સાબિત થઈ હતી. એવામાં 8 વર્ષ બાદ હવે મોટું અપડેટ આવ્યું છે કે, સિંઘમ ફ્રેન્ચાઈજીનો ત્રીજો ભાગ સિંઘમ 3 પણ બનાવાશે. પિંક વિલાની રિપોર્ટ મુજબ હાલમાં જ સિંઘમના ડાયરેક્ટર રોહિત શેટ્ટીએ સિંઘમ 3ને લઈ મોટો ખુલાસો કર્યો છે. જે મુજબ રોહિતે જણાવ્યું કે, "અમે સિંઘમ 3 માટે તૈયારીઓ શરુ કરી દીધી છે. હાલ અજય દેવગન પોતાની બીજી ફિલ્મોની શૂટિંગમાં વ્યસ્ત છે. સાથે જ હું અત્યારે રણવીર સિંહ સાથે ફિલ્મ સર્કસની તૈયારીઓમાં છું. એવામાં આ પ્રોજેક્ટ બાદ આવતા વર્ષે એપ્રિલ મહિનાથી અમે સિંઘમ 3નું શૂટિંગ શરુ કરી દઈશું."
સિંઘમ 3માં એક્શનનો ટ્રિપલ ડોઝ હશેઃ રોહિત શેટ્ટી
ડાયરેક્ટર રોહિત શેટ્ટીએ સિંઘમ 3ની શૂટિંગ વિશે માહિતી આપી તે સાથે જણાવ્યું કે, આ વખતે સિંઘમ છેલ્લા બે ભાગોથી ઘણો અલગ હશે. રોહિત શેટ્ટી અનુસાર, આ વખતે સિંઘમ 3માં પહેલી બે સિરીઝ કરતાં વખારે એક્શન જોવા મળશે. સાથે જ આ ફિલ્મ દુનિયાની સૌથી મોટી કોપ ફિલ્મ સાબિત થશે. એવામાં રોહિત શેટ્ટીનું કહેવું અયોગ્ય નથી કારણ કે, સિંઘમમાં અજય દેવગનનો બાજીરાવ સિંઘમનો અંદાજ ઘણો જબરદસ્ત છે અને તે ફેન્સને ખુબ ગમે છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)