Virat Anushka Wedding Anniversary: વિરાટ કોહલીને ઘમંડી માનતી હતી અનુષ્કા, પહેલી મુલાકાતમાં પતિને બતાવી હતી અક્કડ

Anushka-Virat First Meeting: અનુષ્કા શર્મા અને વિરાટ કોહલી એક પ્રેમાળ કપલ છે. જેમણે આજે લગ્નના પાંચ વર્ષ પૂર્ણ કર્યા છે. આ અવસર પર તમને કપલ સાથે જોડાયેલી રસપ્રદ વાતો જણાવીએ.

Anushka Sharma-Virat Kohli

When Anushka Acted Arrogant Around Virat: આજે બોલિવૂડ એક્ટ્રેસ અનુષ્કા શર્મા અને વિરાટ કોહલીની લગ્નની વર્ષગાંઠ છે. તેમણે આજ રોજ પાંચ વર્ષ પૂરા કર્યા છે. બોલિવૂડ અભિનેત્રી અનુષ્કા શર્મા અને ક્રિકેટર વિરાટ કોહલી હંમેશા તેમની ક્યૂટ લવ સ્ટોરીને કારણે ચર્ચામાં રહે છે. બંને હવે એક પુત્રીના માતા-પિતા બની ગયા છે. પરંતુ આ કપલની લવસ્ટોરી અને પછી અચાનક લગ્નના સમાચાર હંમેશા ચર્ચામાં રહે છે. આવી સ્થિતિમાં જ્યારે તેમના લગ્નને પાંચ વર્ષ થઈ ગયા છે ત્યારે આજે અમે તમને આ કપલની લવ સ્ટોરી વિશે થોડું જણાવીશું

અનુષ્કા પહેલી મુલાકાતમાં વિરાટ વિશે આવું વિચારતી હતી

એક ઇન્ટરવ્યુ દરમિયાન અનુષ્કા શર્માએ વિરાટ કોહલી સાથેની તેની પ્રથમ મુલાકાતનો ઉલ્લેખ કર્યો હતો. અને એક રસપ્રદ કિસ્સો સંભળાવ્યો હતો. અનુષ્કાએ કહ્યું કે, જો તમે મને પૂછશો કે શું વિરાટ મારા ઘરે આવ્યો હતો? શું તે મારો મિત્ર હતો? અથવા હું તેને ઓળખતી હતી? તો મેં આ બધા પ્રશ્નોના જવાબ હામાં જ આપ્યા હોત. પરંતુ આવી ઘણી બાબતો છે જે લોકોને ખબર નથી જે હું લોકોને જણાવવા માગું છું. અમે સાથે એક એડ શૂટમાં કામ કર્યું હતું. તે વખતે હું હંમેશા તેના મુકાબલે થોડી વધુ ઊંચે રહેવાની કોશિશ કરતી હતી. વિરાટ મને થોડો ઘમંડી લાગતો હતો જેથી મે પણ થોડો ઘમંડી હોવાનો ઢોંગ કર્યો. વિરાટ વિશે મે ઘણીવાર સાંભળ્યું હતું કે તે ખૂબ જ ઘમંડી છે જેના લીધે મે પણ ઘમંડી હોવાનો દેખાવ કર્યો હતો

પછી અનુષ્કાની વિચારસરણી આ રીતે બદલાઈ ગઈ

અનુષ્કાએ વધુમાં જણાવ્યું કે, જ્યારે અમારી પહેલી મુલાકાત થઈ હતી અને ત્યારપછી અમારી વચ્ચે વાતો શરૂ થઈ હતી. તે સમયે તે મને ખૂબ જ સરળ, રમુજી અને બુદ્ધિશાળી લાગતો હતો. વિરાટે ઘણી જાહેરાતો શૂટ કરી હતી અને આ મારું પહેલું એડ શૂટ હતું. અભિનેત્રીના જણાવ્યા અનુસાર શૂટના બીજા દિવસે તેણે તેના મિત્રોને ડિનર પાર્ટી માટે આમંત્રણ આપ્યું હતું. જેમાં વિરાટ કોહલી પણ હાજર હતો. અહીંથી જ બંનેના ડેટિંગની અફવાઓ હેડલાઇન્સ બનવા લાગી હતી.