ડાયરેક્ટરે સેક્સની માગ કરતાં આ એક્ટ્રેસે એક્ટિંગ જ છોડી દીધી, જાણો વિગતે

બોલિવૂડમાં કાસ્ટિંગ કાઉચ કોઈ નવી વાત નથી પરંતુ આ કારણે અનેક એક્ટર્સની કારકિર્દીની બરબાદ થઈ ગઈ છે.

નવી દિલ્હીઃ બોલિવૂડમાં કાસ્ટિંગ કાઉચ કોઈ નવી વાત નથી પરંતુ આ કારણે અનેક એક્ટર્સની કારકિર્દીની બરબાદ થઈ ગઈ છે. વિતેલા વર્ષે તનુશ્રી દત્તાએ મીટૂ વિશે બોલતા અનેક મોટા કલાકારોના નામનો ખુલાસો કર્યો હતો. હવે આ જ ક્રમમાં રિચા ભદ્રાનું નામ સામે આવ્યું છે. રિચા સ્ટાર પ્લસની ફેમસ ખિચડી શોમાં ચાઈલ્ડ આર્ટિસ્ટની ભૂમિકામાં જોવા મળી હતી. ચક્કી પારેખના નામથી ફેમસ થનારી રિચાની સાથે કાસ્ટિંગ કાઉચ થયું અને તેણે ઇન્ડસ્ટ્રીને બાય બાય કહી દીધું. મીડિયાને આપેલા ઈન્ટરવ્યૂમાં રિચાએ કહ્યું કે, ‘મે ઘણી વખત કમબેક કરવાનું વિચાર્યું પરંતુ બોડી શેમિંગ અને કાસ્ટિંગ કાઉચના કારણે ન કરી શકી.’ હવે રિચાએ લગ્ન કરી લીધા છે અને કોર્પોરેટ જગતમાં પોતાની કારકિર્દી બનાવવાનો પ્રયત્ન કરી રહી છે. રિચાએ કહ્યું કે, ‘મે ખીચડી, બા બહુ ઔર બેબી અને મિસેજ તેંડુલકર પછી ગુમરાહના એક એપિસોડમાં કામ કર્યું. પરંતુ મારો પરિવાર આ માટે સહજ ન હતો. હું એક ગુજરાતી પરિવારથી આવું છું અને તે ઘણું કૂલ છે. પરંતુ જ્યારે વાત રોમાંટિક સીન અથવા એક્સપોઝિંગ સીનની આવે ત્યારે મારો પરિવાર સહજ નથી. તેમને મને કહ્યું કે મારે આવા પાત્ર ન ભજવવા જોઈએ.’

View this post on Instagram

 

A post shared by Richa Bhadra (@richabhadra) on Jul 9, 2018 at 1:15am PDT

ઉપરાંત રિચાએ કહ્યું કે, ‘મે ક્યારે કોસ્ટિંગ કાઉચ ફેસ કર્યો નથી. પરંતુ લગ્ન બાદ જ્યારે હું કેટલીક જગ્યાએ ઓડિશન આપી રહી હતી ત્યારે મને ‘સમજૂતી’ કરવા માટે કહેવામાં આવ્યું. આ અનુભવે મને અંદરથી હચમચાવી દીધી.’ આ સિવાય રિચાએ કહ્યું કે, ‘મને ઘણી વખત કહેવામાં આવ્યું કે જો મારે એક્ટિંગ કરવી છે તો વજન ઘટાડવું પડશે. પરંતુ હું માત્ર ઈન્ડસ્ટ્રીનો હિસ્સો બનવા માટે મારું વજન ઘટાડવા માંગતી નહોતી.’