ફરી ધૂમ મચાવશે કોમેડી શો ‘ખીચડી’, આ તારીખથી ટેલિવિઝન પર થશે શરૂ

નોંધનીય છે કે ‘ખીચડી’ની પહેલી સીઝન 2002-2004 દરમિયાન, જ્યારે બીજી સીઝન ‘ઇન્સટન્ટ ખીચડી’ 2005થી 2006 દરમિયાન ટેલિકાસ્ટ થઈ હતી. આ પરથી હેટ્સ ઓફ પ્રોડક્શને 2010માં એક ફિલ્મ પણ બનાવી હતી. જેનું નામ હતું ‘ખીચડી-ધ મૂવી’. આ ફિલ્મને પણ દર્શકોએ ખૂબ જ પસંદ કરી હતી.

શોની નવી સીરિઝમાં તમને જૂની સ્ટારકાસ્ટ જોવા મળશે. આ શોમાં અનંગ દેસાઈ, સુપ્રિયા પાઠક, વંદના પાઠક, રાજીવ મહેતા અને જે.ડી.મજિઠીયા પણ જોવા મળશે. આ ઉપરાંત રેણુકા શહાણે, રત્ના પાઠક શાહ અને દીપશિખા નાગપાલ પણ જોવા મળશે.

જોકે, આ શો આઈપીએલના સમયમાં જ શરૂ થઇ રહ્યો છે પરંતુ શોના નિર્માતાઓનું કહેવું છે કે આઈપીએલના કારણે શોને ફાયદો મળશે. જ્યારે પણ મેચમાં બ્રેક હોય અથવા મેચ કંટાળાજનક લાગે તો લોકો કોમેડી શો જોવું વધારે પસંદ કરશે. આથી શોને નવા દર્શકો મળશે.

મુંબઈઃ ‘ખીચડી’ સીરિયલ તમને બધાને યાદ હશે. જો તમે તેને ફરી જોવા માગતા હો તો તમારા માટે સારા સમાચાર છે. ટૂંકમાં જ આ ટાવી શો ફરી શરૂ થવા જઈ રહ્યો છે. આ શો આગામી 14 એપ્રિલથી શરૂ થશે. એક કલાક સુધી આ શો ચાલશે. તેનું પ્રસારણ દર શનિવાર અને રવિવારે કરવામાં આવશે.