કોરોનાની સારવાર લઈ રહેલી સિંગર કનિકા કપૂર હોસ્પિટલમાં કરી રહી છે નખરા! જાણો કેવી છે માંગ?

કનિકા કપૂર હાલમાં કોરોનાની સારવાર લઈ રહી છે અને લખનઉની એસજીપીઆઈ હોસ્પિટલમાં એડમિટ છે.

લખનઉ: બોલિવૂડની સિંગર કનિકા કપૂર લંડનથી પરત આવ્યા બાદ કોરોનાની શંકાસ્પદ દર્દી હોવા છતાં એક પાર્ટીની હોસ્ટ બની હતી. કનિકા કપૂર હાલમાં કોરોનાની સારવાર લઈ રહી છે અને લખનઉની એસજીપીઆઈ હોસ્પિટલમાં એડમિટ છે. પાર્ટી યોજી અને અનેક નેતા, અભિનેતાઓને કોરોનાના જોખમમાં મૂકનારી કનિકા પહેલાંથી રાષ્ટ્રીય ટીકાનો સામનો કરી રહી છે ત્યારે હવે કનિકાએ હોસ્પિટલમાં નખરા કરતાં સંચાલકોએ તેનો ઉધડો લીધો છે. જોકે આ મામલે લખનઉ સ્થિત એસજીપીજીઆઈના ડિરેક્ટરે કડક વલણ અપનાવ્યું અને કહ્યું હતું કે, કનિકાને પહેલાં કરતાં સારી સુવિધા આપવામાં આવી રહી છે. પરંતુ તેણે સમજવું પડશે કે તેઓ અહીં દર્દી છે, સેલિબ્રિટી નહીં. કનિકાને સારી સુવિધા હોવા છતાં હોસ્પિટલમાં પણ અલગથી ભોજન જોઈએ છે. આમ પહેલાં લોકોને કોરોનાના જોખમમાં મૂક્યા અને ટીકાપાત્ર બની હવે અણછાજતું વર્તન કરી અને બોલિવૂડની 'બેબીડોલ' ટીકાનો સામનો કરી રહી છે. કનિકાની પાર્ટીમાં નેતા-અભિનેતા, અધિકારીઓનો મેળવડો હતો. આ દરમિયાન કનિકા કપૂર કોરોના સંક્રમિત જાહેર થઈ તે પહેલાં એક ભવ્ય પાર્ટીમાં ગઈ હતી. તેણે યોજાયેલી આ પાર્ટીમાં નેતા-અભિનેતા, અધિકારીઓનો મેળાવડો હતો જેમાં ભાજપના ઉપાધ્યક્ષ અને પૂર્વ મુખ્યમંત્રી વસુંધરા રાજે, સાંસદ દુષ્યંત સિંઘ ઉપસ્થિત હતા. સદનસીબે આ બંને નેતાના કોરોના ટેસ્ટા નેગેટિવ આવ્યા છે.