દીપિકા-રણવીરે પોતાના સપનાનું ઘર નક્કી કર્યું, જાણો લગ્ન બાદ ક્યાં રહેશે આ કપલ

હાલમાં બોલિવૂડ એક્ટ્રેસ દીપિકા પાદુકોણ પોતાની માતા સાથે જ્વેલરી શોપિંગ કરતા ક્લિક થઈ ગઈ છે. મળતી માહિતી પ્રમાણે દીપિકાનો પરિવાર શોપિંગમાં ઘણો જ વ્યસ્ત છે. ચર્ચા છે કે નવેમ્બરમાં દીપિકા-રણવીરના લગ્ન છે.

રણવીર હાલમાં પોતાની આગામી ફિલ્મ 'સિંબા'ના શૂટિંગ માટે હૈદરાબાદમાં વ્યસ્ત છે. શરૂઆતમાં એવા સમાચાર આવ્યા હતા કે આ જોડી વિરાટ અને અનુષ્કાના ઘર પાસે મકાન ગોતી રહ્યા છે પણ હવે આ સમાચાર આ્વ્યા છે. રણવીર અને દીપિકાનો એક બંગલો ગોવામાં પણ છે.

રણવીર હાલમાં પોતાના પરિવાર સાથે જ્યાં રહે છે એ પોશ એપાર્ટમેન્ટ કોમ્પ્લેક્સમાં બે ફ્લોર ખરીદી લીધા છે. રણવીરના આ નિર્ણય પછી એવો અંદાજ લગાવવામાં આવી રહ્યો છે કે લગ્ન પછી દીપિકા અને રણવીર પોતાના પરિવારની નજીક જ રહેવાના છે. હાલમાં આ ફ્લોરના રિનોવેશનનું કામ શરૂ થઈ રહ્યું છે જેના પર દીપિકા દેખરેખ રાખી રહી છે.

મુંબઈ: રણવીર સિંહ અને દીપિકા પાદુકોણની જોડી છેલ્લા કેટલાક સમયથી રિલેશનશીપમાં છે. મીડિયા રિપોર્ટ પ્રમાણે બંને આ વર્ષના અંત સુધી લગ્ન કરવાનું પ્લાનિંગ કરી રહ્યા છે. તેમના લગ્નને પ્રાઇવેટ રાખવામાં આવશે અને ત્યારબાદ મુંબઈ અને બેંગ્લુરુ ખાતે રિસેપ્શન આપવામાં આવશે. આ સંજોગોમાં આ જોડી લગ્ન બાદ ક્યાં રહેશે એ પણ નક્કી થઈ ગયું છે.