આટલી બ્રાંડ્સને એંડોર્સ કરે છે દીપિકા, કમાણીમાં ખાનને પણ છોડ્યા પાછળ, જાણો

દીપિકા પદુકોણે હોલીવુડમાં હાલ પોતાની કારકિર્દીની શરૂઆત કરી છે, પરંતુ ભારતમાં તે સૌથી વધુ વિજ્ઞાાપન કરનારી સેલિબ્રિટી બની છે.

દીપિકા વિજ્ઞાાપનની કમાણી ૮ કરોડ રૂપિયા સુધી પહોંચી ગઇ છે. આ બાબતમાં તેણે ખાન ત્રિપુટીને પણ પાછળ છોડી દીધા છે.

તાજેતરમાં એક મોબાઇલ કંપનીએ દીપિકા પદુકોણ સાથે વિજ્ઞાાપનના કરાર કર્યા છે. આ રીતે તેની પાસે કુલ ૧૮ બ્રાંડ્સના વિજ્ઞાાપનો કરે છે.

કોસ્મેટિક,એરલાઇન્સ કંપનીથી લઇ મોબાઇલના વિજ્ઞાાપન દીપિકા કરી રહી છે. તેની લોકપ્રિયતા દેશ-વિદેશમાં વધી રહી હોવાથી કંપનીઓ તેની પાસે વિજ્ઞાાપન કરાવવા રસ ધરાવે છે. દીપિકા પાસે હાલ સૌથી વધારે ૧૮ બ્રાન્ડના વિજ્ઞાાપનો છે જે તેની લોકપ્રિયતા દર્શાવે છે.

મેગેઝિનના કવર પેજથી લઇ દીપિકા બિલબોર્ડસ અને ટચૂકડા પડદે પણ વિજ્ઞાાપનમાં છવાઇ ગઇ છે. ટોચની કંપનીઓ પોતાની બ્રાન્ડના વિજ્ઞાાપન દીપિકા પાસે કરાવાનો જ આગ્રહ રાખતી થઇ ગઇ છે.

ઉલ્લેખનીય છે કે, આ મોબાઇલનું વિજ્ઞાાપન પહેલા સોનમ કપૂર કરતી હતી.પરંતુ દીપિકાની લોકપ્રિયતા જોતા કંપનીએ સોનમને દૂર કરી પોતાના પ્રોડકટના વેંચાણ વધારવા માટે દીપિકાને પસંદ કરી છે.