બોલિવૂડની આ હોટ એક્ટ્રેસ સલમાન ખાન પર હતી ફિદા, ‘ધ કપિલ શર્મા ’શોમાં કર્યો ખુલાસો

કપિલના સવાલના જવાબમાં દિવ્યા દત્તાએ પોતાને સલમાન ખાન પર ક્રશ હોવાનું કહ્યું હતું સાથે જ તેની સાથે કામ કરવાનો અનુભવ પણ શેર કર્યો.

નવી દિલ્હીઃ નાના પડદાનો સૌથી પોપ્યુલર શોમાંથી એક ધ કપિલ શર્મા શોએ ટીઆરપીના ચાર્ટમાં સતત ટોપ-10માં સ્થાન જાળવી રાખ્યું છે. વિતેલા સપ્તાહે શોમાં ગેસ્ટ તરીકે જાણીતી ગાયક સુનિધિ ચૌહાણ, એક્ટ્રેસ દિવ્યા દત્તા અને એક્ટર સંજય સૂરી પહોંચ્યા હતા. બધા ગેસ્ટ પોતાના આગામી ફિલ્મ ‘ઝલકી’ના પ્રમોશન માટે શોમાં આવ્યા હતા. કપિલ સાથે વાતચીત દમરિયાન દિવ્યા દત્તાએ શોના પ્રોડ્યૂસર અને સુપરસ્ટાર સલમાન ખાનને લઈને એક ખુલાસો કર્યો. કપિલના સવાલના જવાબમાં દિવ્યા દત્તાએ પોતાને સલમાન ખાન પર ક્રશ હોવાનું કહ્યું હતું સાથે જ તેની સાથે કામ કરવાનો અનુભવ પણ શેર કર્યો. દિવ્યાએ કહ્યું કે, સલમાન તેનો ક્રશ હતો. તેણે કહ્યું કે, સલમાને એક સીન માટે એક્ટિંગમાં તેની મદદ કરી હતી. દિવ્યાએ વીર-ઝારા ફિલ્મમાં શાહરુખ ખાન સાથે કામ કરવાનો પણ અનુભવ જણાવ્યો. સંજય સૂરી અને દિવ્યાએ પોતાની અપકમિંગ ફિલ્મ ‘ઝલકી’ સાથે જોડાયેલા કિસ્સાઓ પણ શેર કર્યા. અર્ચના પૂરણ સિંહે સુનિધિ ચૌહાણ સાથે જોડાયેલા કેટલાક કિસ્સાઓ શેર કર્યા. અર્ચના પૂરણે કહ્યું કે સુનિધિને બાળપણથી જ સિંગર બનવાનો શોખ હતો. તેનો શોખ પૂરો કરવા માટે પિતાએ નોકરી પણ છોડી દીધી હતી. અહીંયા સુધી પહોંચવા માટે માત્ર સુનિધિએ સંઘર્ષ નથી કર્યો, તેના પિતાએ પણ સંઘર્ષ કર્યો છે.