સોનૂ સૂદને યુવકે કહ્યું, ભૈયા એક બાર ગર્લફ્રેન્ડ સે હી મિલવા દિજીયે, બિહાર હી જાના હે...સોનૂએ શું આપ્યો જવાબ

છેલ્લા ઘણા દિવસોથી બોલીવૂડ અભિનેતા સોનૂ સૂદ સોશિયલ મીડિયા પર ખૂબ ચર્ચામાં છે. અભિનેતા લોકડાઉનમાં મજૂરોની મદદ કરી રહ્યો છે.

મુંબઈ: છેલ્લા ઘણા દિવસોથી બોલીવૂડ અભિનેતા સોનૂ સૂદ સોશિયલ મીડિયા પર ખૂબ ચર્ચામાં છે. અભિનેતા લોકડાઉનમાં મજૂરોની મદદ કરી રહ્યો છે. મજૂરો તેમની પાસે ટ્વિટર પર મદદ માંગી રહ્યા છે અને અભિનેતા તેમની મદદ માટે આગળ આવી રહ્યો છે. હાલમાં જ એક યુવકે સોનૂ સૂદ પાસે પોતાની ગર્લફ્રેન્ડને મળવાની ઈચ્છા વ્યક્ત કરી જેનો સોનૂએ રોચક જવાબ આપ્યો હતો. ટ્વિટર પર એક યુવકે સોનૂ સૂદને કહ્યું, 'ભૈયા એક બાર ગર્લફ્રેન્ડ સે હી મિલવા દિજીયે, બિહાર હી જાના હે...' અભિનેતા સોનૂ સૂદે રોચક અંદાજમાં જવાબ આપતા કહ્યું, 'થોડે દિન દૂર રહ કે દેખ લે ભાઈ, સચ્ચે પ્યાર કી પરીક્ષા ભી હો જાએગી.' સોનૂ સૂદનો આ જવાબ તેના ફેન્સને પસંદ આવ્યો હતો.

નોંધનીય છે કે બૉલીવુડ એક્ટર સોનુ સૂદ પોતાના ખર્ચેથી ગાડીઓ બુક કરાવીને પ્રવાસી મજૂરોને પોતાના વતનમાં મોકલી રહ્યો છે. અત્યાર સુધી સોનુ સૂદ હજારોની સંખ્યામાં પ્રવાસી મજૂરોને પોતાનો ઘરે મોકલી ચૂક્યો છે.