ગુજરાતી ફિલ્મોની સુપર સ્ટાર એક્ટ્રેસને થઈ ગયો કોરોના, જાણો શું અફસોસ વ્યક્ત કર્યો ?
ટાઇમ્સ ઓફ ઇન્ડિયાના અહેવાલ પ્રમાણે, અભિનેત્રીએ તેના ઇન્સ્ટાગ્રામ હેન્ડલ પર આ અંગે માહિતી આપી છે. તેણે માહિતી આપતાં જણાવ્યું હતું કે, હું અત્યારે કોવિડ પોઝીટીવ છું.
અમદાવાદઃ ગુજરાતી ફિલ્મોની ફેમસ એક્ટ્રેસ દીક્ષા જોશીનો કોવિડ-19 માટે ટેસ્ટ પોઝિટિવ આવ્યો છે. ટાઇમ્સ ઓફ ઇન્ડિયાના અહેવાલ પ્રમાણે, અભિનેત્રીએ તેના ઇન્સ્ટાગ્રામ હેન્ડલ પર આ અંગે માહિતી આપી છે. તેણે માહિતી આપતાં જણાવ્યું હતું કે, હું અત્યારે કોવિડ પોઝીટીવ છું અને ડોક્ટરે મને મહેનત ન કરવાની સૂચના આપી છે.
દીક્ષા હવે તેના ઘરે અલગ છે અને તમામ સુરક્ષા પ્રોટોકોલનું પાલન કરી રહી છે. તેના ઉદ્યોગના ઘણા મિત્રો અને સહકર્મીઓ તેના ઝડપી સ્વસ્થ થવાની પ્રાર્થના કરી રહ્યા છે. વ્યવસાયિક રીતે, દીક્ષા જોશીએ તાજેતરમાં ડૉ. દર્શન અશ્વિન ત્રિવેદીની રિલેશનશિપ ડ્રામા ફિલ્મ 'લકીરો' માટે કામ કર્યું છે. આ ફિલ્મમાં રૌનક કામદાર, શિવાની જોશી, નેત્રી ત્રિવેદી મુખ્ય ભૂમિકામાં છે. વધુમાં તે ચંદ્રેશ ભટ્ટ દ્વારા નિર્દેશિત અનટાઈટલ્ડ લવ સ્ટોરીમાં જોવા મળશે. આ ફિલ્મમાં ગૌરવ પાસવાલા, એશા કંસારા અને અન્ય કલાકારો છે.
છેલ્લા કેટલાક દિવસથી ગુજરાતમાં કોરોનાના નવા કેસમાં વધારો થયો છે. રાજ્યમાં છેલ્લા 24 કલાકમાં કોરોનાના નવા 2265 કેસ નોંધાયા છે. બીજી તરફ 240 દર્દીઓ રિકવર પણ થયા છે. અત્યાર સુધીમાં કુલ 8,19,287 દર્દીઓએ કોરોનાને મ્હાત આપી છે. તો બીજી તરફ કોરોનાનો રિકવરી રેટ પણ 98.85 ટકાએ પહોંચ્યો છે. રાજ્યમાં કોરોના સંક્રમણથી આજે 2 મોત થયા છે. આજે 8,73,457 લોકોનું રસીકરણ કરવામાં આવ્યું છે.
ગુજરાતમાં છેલ્લા 24 કલાકમાં સામે આવેલા આંકડા પ્રમાણે અમદાવાદ કોર્પોરેશનમાં 1290 , સુરત કોર્પોરેશનમાં 415, વડોદરા કોર્પોરેશનમાં 86 , આણંદ 70, કચ્છ 37, રાજકોટ કોર્પોરેશનમાં 36, ખેડા 34, ભરુચ 26, અમદાવાદ 24, મોરબી 24, ગાંધીનગર કોર્પોરેશન 23, રાજકોટ 21, ભાવનગર કોર્પોરેશન 18, નવસારી 18, જામનગર કોર્પોરેશન 16, મહેસાણા 14, પંચમહાલ 14, ગાંધીનગર 12, સુરત 9, વલસાડ 9, જૂનાગઢ કોર્પોરેશન 8, વડોદરા 8, જામનગર 7, બનાસકાંઠા 6, સાબરકાંઠા 6, અરવલ્લી 5, ભાવનગર 4, દેવભૂમિ દ્વારકા 4, જૂનાગઢ 4, મહિસાગર 4, અમરેલી 3, ગીર સોમનાથ 3, તાપી 3, દાહોદ 2, ડાંગ 1 અને સુરેન્દ્રનગરમાં 1 નવો કેસ નોંધાયો છે.
જો કોરોનાના એક્ટિવ કેસની વાત કરીએ તો રાજ્યમાં એક્ટિવ કેસ 7881 કેસ છે. જે પૈકી 18 વેન્ટીલેટર પર છે, જ્યારે 7863 નાગરિકો સ્ટેબલ છે. 8,19,287 નાગરિકોને ડીસ્ચાર્જ કરવામાં આવ્યા છે. 10125 નાગરિકોનાં અત્યાર સુધીમાં કુલ મોત નિપજ્યાં છે. આજે નવસારી 1 અને ભાવનગરમાં 1 મોત થયું છે.
બીજી તરફ રસીકરણના મોરચે પણ સરકાર મજબૂતીથી લડી રહી છે. હેલ્થકેર વર્કર અને ફ્રન્ટલાઇન વર્કર પૈકી 24 નાગરિકોને રસીનો પ્રથમ ડોઝ અને 249 લોકોને બીજો ડોઝ અપાયો છે. 45 વર્ષથી વધારેની ઉંમરના 8014 લોકોને પ્રથમ અને 36110 નાગરિકોને રસીનો બીજો ડોઝ અપાયો હતો. 18-45 વર્ષના નાગરિકો પૈકી 154685 નાગરિકોને રસીનો પ્રથમ જ્યારે 96226 નાગરિકોને રસીનો બીજો ડોઝ અપાયો હતો. આ પ્રકારે આજના દિવસમાં કુલ 8,73,457 રસીના ડોઝ અપાયા હતા. અત્યાર સુધીમાં કુલ 9,13,08,830 રસીના ડોઝ અપાઇ ચુક્યા છે. બોટાદ, છોટા ઉદેપુર, નર્મદા, પાટણમાં અને પોરબંદરમાં એક પણ કોરોનાનો કેસ નોંધાયો નથી.
ટ્રેન્ડિંગ સમાચાર
ટોપ સ્ટોરી
