ભાજપની ટિકિટ પર ચૂંટણી લડવાને લઈને અક્ષય કુમારે કર્યો મોટો ખુલાસો, જાણો શું કહ્યું.....

અક્ષય કુમારે સોમવારે એક ટ્વીટ કર્યું ત્યાર બાદ અટકળો લાગવા લાગી કે તે રાજનીતિમાં આવવાના છે. આ તમામ અહેવાલોની વચ્ચે અક્ષય કુમારે ખુદ સામે આવીને સ્પષ્ટતા કરવી પડી છે.

નવી દિલ્હીઃ અક્ષય કુમારે સોમવારે એક ટ્વીટ કર્યું ત્યાર બાદ અટકળો લાગવા લાગી કે તે રાજનીતિમાં આવવાના છે. આ તમામ અહેવાલોની વચ્ચે અક્ષય કુમારે ખુદ સામે આવીને સ્પષ્ટતા કરવી પડી છે. અક્ષય કુમારે ટ્વીટ કરતાં આ તમામ અહેવાલો પર પૂર્ણવિરામ લગાવી દીધું છે. અક્ષય કુમાર હમેશા ભાજપ તરફી જોવા મળ્યા છે ત્યારે અક્ષય કુમારે કરેલી ટ્વિટથી મીડિયામાં એવી ચર્ચા શરૂ થઈ ગઈ હતી કે તે ભાજપની ટિકિટ પર ગુરદાસપુરથી ચૂંટણી લડી શકે છે. જોકે આ અહેવાલને ખુદ અક્ષય કુમારે જ ફગાવી દીધા છે.

Grateful for all the interest shown in my previous tweet but just clarifying in light of some wild speculation, I am not contesting elections.

— Akshay Kumar (@akshaykumar) April 22, 2019

અક્ષય કુમારે ટ્વીટ કરતાં સ્પષ્ટતા કરી કે, ‘મારા છેલ્લા ટ્વીટમાં તમે બધાએ જે રસ દાખવ્યો તે જોઈને સારું લાગ્યું. પરંતુ હું અહીં એક વાત સ્પષ્ટ કરવા માગુ છું કે હું ચૂંટણી નથી લડી રહ્યો.’

Getting into an unknown and uncharted territory today. Doing something I have never done before. Excited and nervous both. Stay tuned for updates.

— Akshay Kumar (@akshaykumar) April 22, 2019

આ પહેલા અક્ષય કુમારે ટ્વીટ કર્યું હતું કે, એક અજાણી અને ક્યારેય ન વિચારેલા કામમાં ઝંપલાવી રહ્યો છું. એવું કંઇક કરવાં જઇ રહ્યો છું જે આ પહેલાં ક્યારેય નથી કર્યું. ઉત્સાહિત અને ગભરાયેલો બંને છું. વધુ માહિતી માટે મારી સાથે જોડાયેલા રહો.