IIFA અવોર્ડ 2017: શાહિદ કપુરને બેસ્ટ એક્ટર, આલિયા ભટ્ટને બેસ્ટ એક્ટ્રેસનો અવોર્ડ, જુઓ તસવીરો

આ સમારોહમાં અભિનેત્રી સોનમ કપુરની ફિલ્મ નિરજા ને બેસ્ટ ફિલ્મનો અવોર્ડ આપવામાં આવ્યો હતો. આ સમારોહમાં સલમાન ખાન, સૈફ અલી ખાન, શાહિદ કુપ, સુનિલ શેટ્ટી, અનિલ કપુર, વરૂણ ધવન, સોનાક્ષી સિંહા, કેટરીના કૈફ, સુશાંત સિંહ રાજપૂત, બિપાસા બાસુ, લારા દત્તા, કરણ સિંહ ગ્રોવર જેવા બોલીવડ સ્ટાર ઉપસ્થિત રહ્યા હતા.

ન્યૂયૉર્ક: બોલીવુડના સૌથી ચર્ચિત સમારોહ IIFA 2017નો ન્યૂયૉર્કના મેટલાઈફ સ્ટેડિયમમાં પ્રારંભ થયો છે. અભિનેત્રી આલિયા ભટ્ટે જોરદાર ડાંસ પરફોર્મેંસથી આ સમારોહથી શરૂઆત કરી હતી. આ સમારોહમાં દિલજીત દોસાંઝે પણ પરફોર્મ કર્યું હતું. ફિલ્મ ‘ઉડતા પંજાબ’ માટે શાહિદ કપુરને બેસ્ટ એક્ટર અને આલિયા ભટ્ટને બેસ્ટ એક્ટ્રેસનો અર્વોડ આપવામાં આવ્યો હતો.

આ સમારોહમાં આલિયા ભટ્ટને સ્ટાઈલ આઈકૉન ઓફ ધ યર અને તાપસી પન્નૂને વુમન ઓફ ધ યર ટાઈટલથી સમ્માનિત કરવામાં આવ્યા. તાપસીને પિંક અને નામ શબાના જેવી મહિલા પ્રધાન ફિલ્મોમાં મુખ્ય ભૂમિકા ભજવી છે.

એઆર રહેમાનને બોલીવુડમાં 25 વર્ષના યોગદાન બદલ વિશેષ પુરસ્કાર આપીને સમ્માનિત કરવામાં આવ્યા હતા.

આ અર્વોડ સમારોહમાં કરણ જૌહરના નિર્દેશનમાં બનેલી ફિલ્મ એ દિલ હૈ મુશ્કિલની ધુમ રહી હતી. આ ફિલ્મ માટે પ્રીતમને બેસ્ટ મ્યૂઝિક ડાયરેક્ટર, અમિતાભ ભટ્ટાચાર્યને ફિલ્મમાં ચન્ના મેરેયા ગાવા માટે બેસ્ટ લીરિક્સ અને અમિત મિશ્રાને ફિલ્મમાં બુલેયા ગીત ગાવા માટે બેસ્ટ પ્લેબૈક સિંગરનો અર્વોડ આપવામાં આવ્યો છે